ന്യൂഡല്ഹി: വിദ്യാർത്ഥി പ്രതിഷേധങ്ങളോട് അധികാരികള് സംയമനത്തോടെ പെരുമാറണമെന്ന് സുപ്രീം കോടതി. അക്രമം തടയാൻ പോലീസ് നടത്തുന്ന ഏതൊരു അക്രമാസക്തമായ നടപടിയും സാഹചര്യങ്ങള് കൂടുതല് വഷളാക്കുമെന്നും, പ്രതിഷേധക്കാരുടെ ആവശ്യങ്ങള് കേള്ക്കാനും അവർ എന്തിനാണ് സമരം ചെയ്യുന്നതെന്ന് മനസ്സിലാക്കാനുമാണ് അധികാരികള് ശ്രമിക്കേണ്ടതെന്നും ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ച് നിരീക്ഷിച്ചു.(Supreme Court Advises Authorities To Exercise Restraint Against Student Protesters)
സി.ജെ.പി (CJP) നടത്തിയ പ്രതിഷേധങ്ങളിലുണ്ടായ കല്ലേറ് ഉള്പ്പെടെയുള്ള അക്രമസംഭവങ്ങളില് പാർട്ടിക്ക് ഉത്തരവാദിത്തമുണ്ടെന്നും നടപടി സ്വീകരിക്കണമെന്നും ആവശ്യപ്പെട്ട് സമർപ്പിച്ച ഹർജി പരിഗണിക്കവെയാണ് കോടതി ഈ പരാമർശങ്ങള് നടത്തിയത്. വിദ്യാർത്ഥി പ്രതിഷേധങ്ങളുമായി ബന്ധപ്പെട്ട് ഡല്ഹിയിലും മറ്റ് സംസ്ഥാനങ്ങളിലുമുള്ള സമാനമായ എല്ലാ ഹർജികളും ഒന്നിച്ചു പരിഗണിക്കുമെന്നും ബെഞ്ച് വ്യക്തമാക്കി.
അതേസമയം, നിയമ നിർവ്വഹണ ഏജൻസികളില് പൂർണ്ണ വിശ്വാസമുണ്ടെന്ന് വ്യക്തമാക്കിയ സുപ്രീം കോടതി, ഇത്തരം സാഹചര്യങ്ങള് കൈകാര്യം ചെയ്യാൻ അവർക്ക് കൃത്യമായ പ്രാപ്തിയുണ്ടെന്നും അഭിപ്രായപ്പെട്ടു. വിഷയത്തില് കേന്ദ്ര സർക്കാരിന്റെ നിലപാട് അറിഞ്ഞ ശേഷം അടുത്ത കേസ് പരിഗണന ഘട്ടത്തില് കൂടുതല് തീരുമാനങ്ങള് കൈക്കൊള്ളുമെന്നും ചീഫ് ജസ്റ്റിസ് കൂട്ടിച്ചേർത്തു.
Story Summary
The Supreme Court urged authorities to exercise restraint when dealing with young student protesters, stating that violent responses to prevent violence only worsen the situation. A bench led by CJI Justice Surya Kant tagged the plea against CJP-led violent protests with other pending petitions and sought the Central Government’s stand.