ഗോവിന്ദൻ. വിവരങ്ങള്‍ ആരെങ്കിലും മനഃപൂർവ്വം മറച്ചുവെച്ചിട്ടുണ്ടെങ്കില്‍ അത് തയ്യാറാക്കിയവരോടാണ് ചോദിക്കേണ്ടതെന്നും ഇതില്‍ സർക്കാരിന് പങ്കില്ലെന്നും അദ്ദേഹം വ്യക്തമാക്കി.(MV Govindan Clarifies Government Stance On Kalladi Tunnel Road Scientific Report Controversy)

കള്ളാടി മണ്ണിടിച്ചില്‍ ദുരന്തമുണ്ടായ സ്ഥലം പ്രതിപക്ഷ നേതാവ് പിണറായി വിജയനൊപ്പം സന്ദർശിച്ച ശേഷമായിരുന്നു അദ്ദേഹത്തിന്റെ പ്രതികരണം. അപകടത്തില്‍ ഇതുവരെ അഞ്ച് പേരുടെ മരണമാണ് സ്ഥിരീകരിച്ചിട്ടുള്ളത്. കേന്ദ്ര ഏജൻസികള്‍ ഉള്‍പ്പെടെയുള്ളവർ നല്‍കിയ കൃത്യമായ ശാസ്ത്രീയ റിപ്പോർട്ടുകളുടെ അടിസ്ഥാനത്തിലാണ് തുരങ്കപാതയുടെ നിർമ്മാണം ആരംഭിച്ചതെന്ന് എം.വി. ഗോവിന്ദൻ ചൂണ്ടിക്കാട്ടി.

മുൻപ് നല്‍കിയ റിപ്പോർട്ടുകളില്‍ എന്തെങ്കിലും വീഴ്ചകളോ അപാകതകളോ സംഭവിച്ചിട്ടുണ്ടോ എന്നതിനെക്കുറിച്ച്‌ എല്ലാ കാര്യങ്ങളും അന്വേഷിക്കട്ടെ. കള്ളാടിയിലുണ്ടായത് അതിശക്തമായ മലയിടിച്ചിലാണെന്നും മല ഒന്നാകെ ഇടിഞ്ഞു താഴേക്ക് പതിച്ചതാണ് വൻ അപകടത്തിന് കാരണമായതെന്നും അദ്ദേഹം പറഞ്ഞു. ഇത്തരത്തില്‍ വലിയ രീതിയില്‍ മലയിടിഞ്ഞു വരുമ്പോള്‍ അതിനെ തടഞ്ഞുനിർത്താൻ സാധാരണ സംരക്ഷണഭിത്തികള്‍ക്ക് കഴിയില്ല. കള്ളാടിയിലുണ്ടായത് വലിയൊരു പ്രകൃതിദുരന്തമാണെന്നും ഇനി മുന്നോട്ട് പോകുമ്പോള്‍ പരിസ്ഥിതിയുമായി ബന്ധപ്പെട്ട എല്ലാ വശങ്ങളും കൃത്യമായി പഠിച്ച്‌ വേണം കാര്യങ്ങള്‍ ചെയ്യാനെന്നും എം.വി. ഗോവിന്ദൻ നിർദ്ദേശിച്ചു. എന്നാല്‍, ഈ ദുരന്തത്തിന്റെ മറവില്‍ തുരങ്കപാത പോലുള്ള സംസ്ഥാനത്തിന്റെ വലിയ വികസന പദ്ധതികള്‍ പൂർണ്ണമായി നിന്നുപോകരുതെന്നും അദ്ദേഹം ആവശ്യപ്പെട്ടു.

Story Summary

CPM State Secretary M.V. Govindan stated that the government cannot be held responsible if any crucial data was suppressed in the initial scientific reports regarding the Kalladi tunnel road project. Speaking after visiting the landslide site where five deaths were confirmed, he emphasized that while future steps must study environmental impacts, major development projects should not be completely halted.