ക്രിക്കറ്റ് എന്താണെന്ന് അറിയാത്തവരാണ് ഇത്തരം അഭ്യൂഹങ്ങള്‍ പരത്തുന്നതെന്ന് താരം തുറന്നടിച്ചു. രാജസ്ഥാൻ റോയല്‍സിനെതിരെയുള്ള മത്സരത്തിന് മുന്നോടിയായി മാധ്യമങ്ങളോട് സംസാരിക്കവെയാണ് താരം മനസ്സ് തുറന്നത്. തനിക്ക് ശരിക്കും കൈത്തണ്ടയ്ക്ക് പരിക്കുണ്ടായിരുന്നെങ്കില്‍, പൂർണ്ണമായും കൈത്തണ്ടയുടെ ചലനങ്ങളെയും കണ്ണിന്റെയും കൈകളുടെയും ഏകോപനത്തെയും ആശ്രയിച്ച്‌ താൻ കളിക്കുന്ന ഫ്ലിക്ക് ഷോട്ടുകള്‍ ഉള്‍പ്പെടെയുള്ളവ പരിശീലനത്തിനിടയിലോ മത്സരങ്ങളിലോ കളിക്കാൻ കഴിയില്ലായിരുന്നുവെന്ന് സൂര്യകുമാർ ചൂണ്ടിക്കാട്ടി. ഇത്തരം അനാവശ്യ പ്രചാരണങ്ങള്‍ തന്റെ നിയന്ത്രണത്തിലുള്ളതല്ലെന്നും അതിനാല്‍ അവയ്ക്ക് വലിയ പ്രാധാന്യം നല്‍കുന്നില്ലെന്നും അദ്ദേഹം കൂട്ടിച്ചേർത്തു.

ഈ ഐപിഎല്‍ സീസണില്‍ 13 മത്സരങ്ങളില്‍ നിന്ന് വെറും 270 റണ്‍സ് മാത്രമെടുത്ത് കരിയറിലെ തന്നെ ഏറ്റവും മോശം ഫോമിലൂടെയാണ് സൂര്യകുമാർ കടന്നുപോയത്. രാജസ്ഥാനെതിരെ താരം 60 റണ്‍സ് നേടി പോരാടിയെങ്കിലും മുംബൈയെ വിജയത്തിലെത്തിക്കാൻ അത് മതിയാകുമായിരുന്നില്ല. ഈ തോല്‍വിയോടെ മുംബൈ ഇന്ത്യൻസ് പോയിന്റ് പട്ടികയില്‍ 14 മത്സരങ്ങളില്‍ നിന്ന് വെറും 4 വിജയങ്ങളുമായി ഒമ്പതാം സ്ഥാനത്താണ് സീസണ്‍ അവസാനിപ്പിച്ചത്. ഈ വർഷം ആദ്യം ന്യൂസിലൻഡ് പരമ്പരയില്‍ പ്ലെയർ ഓഫ് ദി സീരീസ് നേടുകയും ലോകകപ്പില്‍ മികച്ച പ്രകടനം നടത്തുകയും ചെയ്ത തനിക്ക് ഐപിഎല്ലില്‍ റണ്‍സ് കണ്ടെത്താനായില്ല എന്നത് വസ്തുതയാണെന്ന് താരം സമ്മതിച്ചു. എങ്കിലും തന്റെ കഠിനാധ്വാനത്തില്‍ കുറവ് വരുത്തിയിട്ടില്ലെന്നും കളിയിലെ വിജയപരാജയങ്ങള്‍ എപ്പോഴും പ്രവചനാതീതമാണെങ്കിലും പ്രയത്നിച്ചാല്‍ വൈകാതെ തന്നെ ഫലം ലഭിക്കുമെന്നാണ് തന്റെ വിശ്വാസമെന്നും സൂര്യകുമാർ വ്യക്തമാക്കി.

Summary: Mumbai Indians batter and India T20I captain Suryakumar Yadav firmly dismissed rumors regarding a wrist injury, calling out critics who spread misinformation without understanding cricket. He explained that his signature wrist-based shots and flick shots would have been impossible to execute if the injury rumors were true. Despite a tough IPL 2026 season where he scored only 270 runs in 13 matches, Suryakumar emphasized that he remains focused on hard work and trusting the process.