5 പേര്‍ക്ക് യാത്ര ചെയ്യാവുന്ന ഈ വാഹനം നിരവധി വകഭേദങ്ങളില്‍ ലഭ്യമാണ്.

നിങ്ങള്‍ ആദ്യമായി ഒരു കാര്‍ വാങ്ങുകയാണെങ്കിലും ഇരുചക്ര വാഹനത്തില്‍ നിന്ന് നേരിട്ട് ഈ ഹ്യുണ്ടായ് SUV യിലേക്ക് മാറുകയാണെങ്കിലും ഇതേക്കുറിച്ച്‌ സമഗ്രമായി അറിഞ്ഞിരിക്കേണ്ടതുണ്ട്.

2026ല്‍ ഹ്യുണ്ടായ് ക്രെറ്റയുടെ ഇന്ത്യന്‍ വില

അടിസ്ഥാന വകഭേദമായ 'E' 10.91 ലക്ഷം രൂപയില്‍ (എക്‌സ്-ഷോറൂം) ആരംഭിക്കുമ്പോള്‍, 'EX' പതിപ്പിന് 12.07 ലക്ഷം രൂപ മുതലാണ് വില. 'EX(O)', 'S(O)' വകഭേദങ്ങള്‍ യഥാക്രമം 13.14 ലക്ഷം, 14.21 ലക്ഷം എന്നിങ്ങനെയും ലഭ്യമാണ്. 'SX' ട്രിം 15.04 ലക്ഷം രൂപയില്‍ തുടങ്ങുന്നു.

ഏറ്റവും ഉയര്‍ന്ന 'ക്രെറ്റ കിങ് നൈറ്റ് എഡിഷന്‍' 20.11 ലക്ഷം രൂപയ്ക്ക് ലഭിക്കും. ഇവയെല്ലാം എക്‌സ്-ഷോറൂം വിലകളുമാണ്.

2026 ഹ്യുണ്ടായ് ക്രെറ്റയുടെ എഞ്ചിനും മൈലേജും

ക്രെറ്റയില്‍ 1.5 ലിറ്റര്‍ നാച്ചുറലി ആസ്പിറേറ്റഡ് പെട്രോള്‍ എഞ്ചിന്‍ ലഭ്യമാണ്. ഇതില്‍ 6-സ്പീഡ് മാനുവല്‍ ട്രാന്‍സ്മിഷനോ അല്ലെങ്കില്‍ iVT ഓട്ടോമാറ്റിക്കോ തിരഞ്ഞെടുക്കാം. മാനുവല്‍ ഗിയര്‍ബോക്‌സില്‍ 17.4 കിലോമീറ്ററും iVT-യില്‍ 17.7 കിലോമീറ്ററുമാണ് ARAI സാക്ഷ്യപ്പെടുത്തിയ മൈലേജ്.

കൂടാതെ, 7-സ്പീഡ് ഡ്യുവല്‍-ക്ലച്ച്‌ ട്രാന്‍സ്മിഷനില്‍ (DCT) മാത്രം ലഭിക്കുന്ന 1.5 ലിറ്റര്‍ ടര്‍ബോ-പെട്രോള്‍ എഞ്ചിനും തിരഞ്ഞെടുക്കാവുന്നതാണ്. ഇത് 18.4 കിലോമീറ്റര്‍ മൈലേജ് നല്‍കുമെന്ന് കമ്പനി അവകാശപ്പെടുന്നു (Hyundai Creta Features).

ഒരിഞ്ച് പിന്നോട്ടില്ല, ലുക്കിലും വര്‍ക്കിലും വിട്ടുവീഴ്ചയുമില്ല, തലയെടുപ്പോടെ ടൊയോട്ട അര്‍ബന്‍ ക്രൂയിസര്‍ ഇബെല്ല ഇന്ത്യന്‍ നിരത്തില്‍

ഏറ്റവും കൂടുതല്‍ മൈലേജ് നല്‍കുന്നത് 1.5 ലിറ്റര്‍ CRDi ഡീസല്‍ എഞ്ചിനാണ്. ഇത് 6-സ്പീഡ് മാനുവല്‍ ഗിയര്‍ബോക്‌സില്‍ 21.8 കിലോമീറ്ററും ഓട്ടോമാറ്റിക് ട്രാന്‍സ്മിഷനില്‍ 19.1 കിലോമീറ്ററും മൈലേജ് നല്‍കുന്നു.

ക്രെറ്റ - വകഭേദങ്ങളും സവിശേഷതകളും

E, EX, EX(O), S(O), SX, SX പ്രീമിയം, കിങ് എന്നിങ്ങനെ ഏഴ് പ്രധാന വകഭേദങ്ങളിലായാണ് ക്രെറ്റ വരുന്നത്. ആദ്യമായി കാര്‍ വാങ്ങുന്നവര്‍ക്ക് താങ്ങാനാവുന്നതും എന്നാല്‍ മികച്ച ഫീച്ചറുകളുള്ളതുമായ ഒരു ഒപ്ഷനാണ് അടിസ്ഥാന വകഭേദമായ 'E'.



ഇതില്‍ നാല് ഡിസ്‌ക് ബ്രേക്കുകള്‍, ആറ് എയര്‍ബാഗുകള്‍, ഇലക്‌ട്രോണിക് സ്റ്റെബിലിറ്റി കണ്‍ട്രോള്‍ (ESC), ഹില്‍-സ്റ്റാര്‍ട്ട് അസിസ്റ്റ് കണ്‍ട്രോള്‍ (HAC), റിയര്‍ വെന്റുകളോട് കൂടിയ മാനുവല്‍ എയര്‍ കണ്ടീഷനിംഗ്, ടില്‍റ്റ് ആന്‍ഡ് ടെലിസ്‌കോപ്പിക് സ്റ്റിയറിംഗ് അഡ്ജസ്റ്റ്‌മെന്റ്, 16 ഇഞ്ച് സ്റ്റീല്‍ വീലുകള്‍ എന്നിവയുണ്ട്. എന്നാല്‍ ഇതില്‍ ഓഡിയോ സിസ്റ്റമോ സ്റ്റിയറിങ് മൗണ്ടഡ് കണ്‍ട്രോളുകളോ ഇല്ല.

മറ്റ് സൗകര്യങ്ങളില്‍ 8 ഇഞ്ച് ടച്ച്‌സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, വയര്‍ലെസ് ആപ്പിള്‍ കാര്‍പ്ലേ, ആന്‍ഡ്രോയിഡ് ഓട്ടോ, ആറ് സ്പീക്കര്‍ ഓഡിയോ സെറ്റപ്പ്, ഇലക്‌ട്രിക്കലി അഡ്ജസ്റ്റ് ചെയ്യാവുന്ന ORVM-കള്‍, ഷാര്‍ക്ക്-ഫിന്‍ ആന്റിന എന്നിവ ഉള്‍പ്പെടുന്നു. 'EX(O)' വകഭേദത്തില്‍ വോയ്സ്-എനേബിള്‍ഡ് പനോരമിക് സണ്‍റൂഫ് ലഭ്യമാണ്.

കൈ പൊള്ളുമോ ?, പോക്കറ്റ് കീറുമെന്ന സൂചനകള്‍ പുറത്ത്, iPhone 18 Pro Max-വിലയില്‍ ആശങ്ക, ലുക്കും പ്രകടനവും പക്ഷേ പൊളിക്കും

'S(O)' വകഭേദമാണ് ക്രെറ്റ നിരയിലെ ഏറ്റവും മികച്ച ഒപ്ഷന്‍. ഇതില്‍ ക്വാഡ്-ബീം എല്‍ഇഡി ഹെഡ് ലാമ്പുകള്‍, ഡ്യുവല്‍-സോണ്‍ ഓട്ടോമാറ്റിക് ക്ലൈമറ്റ് കണ്‍ട്രോള്‍, പുഷ്-ബട്ടണ്‍ സ്റ്റാര്‍ട്ട്, ക്രൂയിസ് കണ്‍ട്രോള്‍, കണക്റ്റഡ് എല്‍ഇഡി ടെയില്‍ ലാമ്പുകള്‍, 17 ഇഞ്ച് ബ്ലാക്ക് അലോയ് വീലുകള്‍, റിയര്‍-വ്യൂ ക്യാമറ എന്നിവയുണ്ട്.

ഓട്ടോമാറ്റിക് ട്രിമ്മുകളില്‍ ഇലക്‌ട്രോണിക് പാര്‍ക്കിങ് ബ്രേക്ക് വിത്ത് ഓട്ടോ ഹോള്‍ഡ്, പാഡില്‍ ഷിഫ്റ്ററുകള്‍, ഡ്രൈവ് മോഡുകള്‍ എന്നിവ അധികമായി ലഭിക്കും. 'SX' വകഭേദത്തിലേക്ക് വരുമ്പോള്‍ 10.25 ഇഞ്ച് ടച്ച്‌സ്‌ക്രീന്‍ ഇന്‍ഫോടെയ്ന്‍മെന്റ് ഡിസ്പ്ലേ, വയര്‍ലെസ് ചാര്‍ജര്‍, സെമി-ലെതറെറ്റ് അപ്ഹോള്‍സ്റ്ററി, ഹ്യുണ്ടായ് ബ്ലൂലിങ്ക് കണക്റ്റഡ് കാര്‍ ടെക്‌നോളജി, ആംബിയന്റ് ലൈറ്റിങ് ഓട്ടോ-ഡിമ്മിംഗ് ഐആര്‍വിഎം എന്നിവയും ഉള്‍പ്പെടുന്നു.

'SX പ്രീമിയം' വകഭേദം 8-സ്പീക്കര്‍ ബോസ് സൗണ്ട് സിസ്റ്റം, വെന്റിലേറ്റഡ് ഫ്രണ്ട് സീറ്റുകള്‍, 8-വേ പവര്‍-അഡ്ജസ്റ്റബിള്‍ ഡ്രൈവര്‍ സീറ്റ്, ഡ്യുവല്‍ ഡാഷ് ക്യാമുകള്‍, ലെതറെറ്റ് അപ്ഹോള്‍സ്റ്ററി എന്നിവ നല്‍കി സൗകര്യം വര്‍ദ്ധിപ്പിക്കുന്നു.

ഏറ്റവും ഉയര്‍ന്ന 'കിങ്' വകഭേദത്തില്‍ ലെവല്‍ 2 ADAS, 360ഡിഗ്രി സറൗണ്ട്-വ്യൂ ക്യാമറ, ബ്ലൈന്‍ഡ്-സ്‌പോട്ട് മോണിറ്ററിംഗ്, 18 ഇഞ്ച് അലോയ് വീലുകള്‍, 10.25 ഇഞ്ച് ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍, ഡ്രൈവര്‍ സീറ്റ് മെമ്മറി, ബോസ് മോഡ് ഉള്ള പവേര്‍ഡ് ഫ്രണ്ട് പാസഞ്ചര്‍ സീറ്റ്, പിന്‍സീറ്റിലെ അധിക സൗകര്യങ്ങള്‍ എന്നിവയും ലഭ്യമാണ്.

2026 Hyundai Creta യുടെ നിറങ്ങള്‍

2026 ഹ്യുണ്ടായ് ക്രെറ്റ നിരവധി നിറങ്ങളില്‍ ലഭ്യമാണ്. റോബസ്റ്റ് എമറാള്‍ഡ് പേള്‍, അറ്റ്‌ലസ് വൈറ്റ്, അബിസ് ബ്ലാക്ക്, ടൈറ്റാനിയം ബ്ലാക്ക്, ടൈറ്റന്‍ ഗ്രേ, സ്റ്റാറി നൈറ്റ്, ഫിയറി റെഡ്, റേഞ്ചര്‍ കാക്കി എന്നിവയാണ് സാധാരണ മോണോടോണ്‍ നിറങ്ങള്‍.

നൈറ്റ്, കിങ് എഡിഷനുകള്‍ പോലുള്ള പ്രീമിയം വകഭേദങ്ങള്‍ക്കായി ഹ്യുണ്ടായ് ടൈറ്റന്‍ ഗ്രേ മാറ്റ്, ടൈറ്റാനിയം ബ്ലാക്ക് മാറ്റ് എന്നിവ നല്‍കുന്നു. കൂടാതെ, തിരഞ്ഞെടുത്ത ഉയര്‍ന്ന വകഭേദങ്ങളില്‍ അറ്റ്‌ലസ് വൈറ്റ് ബോഡിയും അബിസ് ബ്ലാക്ക് റൂഫും ചേര്‍ന്ന ഡ്യുവല്‍-ടോണ്‍ നിറവും ലഭ്യമാണ്.