വെള്ളിയാഴ്ചത്തെ സ്വര്ണവില (Gold Pavan Rate Today)
- 22 കാരറ്റിന്റെ ഒരു പവന് സ്വര്ണത്തിന് 1,10,480 രൂപ, ഗ്രാമിന് 13,810 രൂപ
- 24 കാരറ്റിന്റെ ഒരു പവന് സ്വര്ണത്തിന് 1,20,528 രൂപ, ഗ്രാമിന് 15,066 രൂപ
- 18 കാരറ്റിന്റെ ഒരു പവന് സ്വര്ണത്തിന് 90,392 രൂപ, ഗ്രാമിന് 11,299 രൂപ
വെള്ളിയാഴ്ചത്തെ സ്വര്ണാഭരണ വില (Gold Price Today)
- ഒരു പവന്റെ ആഭരണത്തിന് വെള്ളിയാഴ്ചത്തെ നിരക്ക് അനുസരിച്ച് 1,17,000 രൂപയെങ്കിലുമാകും.
- പണിക്കൂലി, ജിഎസ്ടി, ഹോള്മാര്ക്കിങ് ഫീസ് എന്നിവ കൂടി ആഭരണ വിലയ്ക്ക് ഒപ്പം നല്കണം.
- സ്വര്ണാഭരണത്തിന്റെ കുറഞ്ഞ പണിക്കൂലി 5 ശതമാനമാണ്.
നിരന്തരം സ്വര്ണവില മാറുന്നത് എന്തുകൊണ്ട് ?
ലോക വിപണിയില് സ്വര്ണം ഔണ്സിന് 4740 ഡോളറാണ്. പശ്ചിമേഷ്യന് യുദ്ധമടക്കം ഭൗമ രാഷ്ട്രീയ കാലാവസ്ഥ സങ്കീര്ണമായി തുടരുന്നത് സ്വര്ണവിലയില് വലിയ തോതില് പ്രതിഫലിക്കുന്നുണ്ട്. ഈ സാഹചര്യത്തില് ഇന്ത്യന് മാര്ക്കറ്റിലും സ്വര്ണവിലയില് നിരന്തര മാറ്റങ്ങള് തുടരാന് സാധ്യതയുണ്ടെന്ന് സാമ്പത്തിക വിദഗ്ധര് വിലയിരുത്തുന്നു.
Also Read: ചെറിയ കളിയല്ല, കയറ്റിപ്പോകുന്നത് ലക്ഷക്കണക്കിന്, ഇന്ത്യന് സ്കൂട്ടറുകള് വിദേശ നിരത്തിലും സൂപ്പര് ഹിറ്റ്
അതേസമയം, സ്വര്ണവിലയില് വലിയ ഇടിവ് പ്രതീക്ഷിക്കേണ്ടതില്ലെന്നും ധനകാര്യ വിദഗ്ധര് ചൂണ്ടിക്കാട്ടുന്നു. ആഗോള മാര്ക്കറ്റിലെ ചാഞ്ചാട്ടങ്ങള് ഇന്ത്യന് വിപണിയിലും പ്രതിഫലിക്കും. ഡോളറിന്റെ മൂല്യത്തിലെ കയറ്റിറക്കങ്ങള് രാജ്യാന്തര മാര്ക്കറ്റില് അലയടിക്കും. ഇത് ഇന്ത്യന് വിപണിയിലും പ്രകടമാകും.
പൊന്നിന്റെ വിലയിലെ മലക്കംമറിച്ചിലുകളെ സ്വാധീനിക്കുന്നവ ?
- യുഎസ് പണപ്പെരുപ്പം, അമേരിക്കന് പലിശ നിരക്കുകള്, രാജ്യങ്ങള് തമ്മിലുള്ള സംഘര്ഷങ്ങള്
- രാജ്യാന്തര നയങ്ങള്, വന്കിട രാജ്യങ്ങളുടെ സാമ്പത്തിക നയങ്ങള്, ഓഹരി വിപണിയിലെ ചാഞ്ചാട്ടങ്ങള്
- ക്രൂഡ് ഓയില് വിലയില് തുടര്ച്ചയായുണ്ടാകുന്ന മാറ്റങ്ങള്, രൂപയുടെ മൂല്യത്തിലെ അസ്ഥിരത, ലോക നേതാക്കളുടെ പ്രഖ്യാപനങ്ങള്
സ്വര്ണവില ചാഞ്ചാടുന്ന മറ്റ് സാഹചര്യങ്ങള് ?
വിവാഹ സീസണില് സ്വര്ണത്തിന് ആവശ്യകത കൂടും. ഇതിന് പുറമെ ദസറ, ദീപാവലി പോലെയുള്ള ഉത്സവാഘോഷ വേളകളിലും ഇന്ത്യന് സാഹചര്യത്തില് പൊന്നിന് ആവശ്യകത വര്ധിക്കാറുണ്ട്. അതിനനുസരിച്ച് വിലയും ഉയരും.
പൊന്നിനെ സുരക്ഷിത നിക്ഷേപമായാണ് ഉപയോക്താക്കള് കാണുന്നത്. വാങ്ങി, സൂക്ഷിച്ച് വില ഉയരുമ്പോള് വില്ക്കാനോ മറ്റ് ആവശ്യങ്ങള്ക്കായി ഉപയോഗപ്പെടുത്താനോ അവര് ആഗ്രഹിക്കുന്നു. ഇതെല്ലാം മഞ്ഞ ലോഹത്തിന്റെ ആവശ്യകതയും നിരക്കും ഒരുപോലെ ഉയര്ത്തുന്ന ഘടകങ്ങളാണ്.
Also Read: ക്യാമറയും ബാറ്ററിയുമാണ് മെയിന്, വിലയും പുറത്ത് ; വിവോ എക്സ് ഫോള്ഡ് 6 നെക്കുറിച്ചുള്ള നിര്ണായക വിവരങ്ങള് ചോര്ന്നു
രാജ്യത്ത് ഒരാള്ക്ക് കൈവശം വയ്ക്കാവുന്ന പരമാവധി സ്വര്ണം എത്ര ?
സെന്ട്രല് ബോര്ഡ് ഓഫ് ഡയറക്ട് ടാക്സസിന്റെ മാര്ഗനിര്ദേശ പ്രകാരം സ്ത്രീകള്ക്ക് 500 ഗ്രാം സ്വര്ണവും അവിവാഹിതരായ സ്ത്രീകള്ക്ക് 250 ഗ്രാം പൊന്നും അവിവാഹിതരോ വിവാഹിതരോ ആയ പുരുഷന്മാര്ക്ക് 100 ഗ്രാം തങ്കവും കൈവശം വയ്ക്കാം.
വിദേശ രാജ്യങ്ങളില് നിന്ന് ഇന്ത്യ സ്വര്ണം ഇറക്കുമതി ചെയ്യുന്നുണ്ടോ ?
ഉണ്ട്, ലോകത്ത് സ്വര്ണത്തിന്റെ വലിയ ഉപഭോക്താവാണ് ഇന്ത്യ. അതിനാല് വിദേശത്തുനിന്ന് ഇറക്കുമതി ചെയ്യുന്നുണ്ട്. രാജ്യത്ത് സ്വര്ണത്തിന് വന് ഡിമാന്ഡുണ്ട്.
ആഗോള സ്വര്ണ ഉപഭോഗത്തില് ഇന്ത്യ എത്രാം സ്ഥാനത്താണ് ?
സ്വര്ണ ഉപഭോഗത്തില് ലോകത്ത് രണ്ടാം സ്ഥാനമാണ് ഇന്ത്യയ്ക്ക്. സാംസ്കാരികവും മതപരവും സാമൂഹികവും ആചാരപരവുമായ കാരണങ്ങളാല് രാജ്യത്ത് സ്വര്ണത്തിന് ഉയര്ന്ന ഡിമാന്ഡാണ്.
സ്വര്ണ ബോണ്ടുകളില് നിക്ഷേപിക്കുന്നത് സ്വര്ണ ലോഹത്തിലോ ആഭരണങ്ങളിലോ നിക്ഷേപിക്കുന്നതിനേക്കാള് മികച്ചതാണോ ?
സ്വര്ണ ബോണ്ടുകള് കൂടുതല് സുരക്ഷിതമാണ്. കാരണം അത് സ്വര്ണത്തിന്റെ ഡിജിറ്റല് രൂപമായതിനാല് മോഷണമോ കവര്ച്ചയോ ഉണ്ടാകാനുള്ള സാധ്യതയില്ല. കൂടാതെ സ്വര്ണ ബോണ്ടുകള്ക്ക് വാര്ഷിക പലിശയുമുണ്ട്. ഇത് സ്വര്ണ ബോണ്ടുകളെ കൂടുതല് അഭികാമ്യവും മികച്ച നിക്ഷേപവുമാക്കുന്നു.