തിരുവനന്തപുരം: തെക്ക് പടിഞ്ഞാറന് മണ്സൂണ് ഇന്ന് മുതല്. വ്യാഴാഴ്ച 8 ജില്ലകളിലാണ് കാലാവസ്ഥാ വകുപ്പ് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്.
6 ജില്ലകളില് യെല്ലോ അലര്ട്ടുമാണ്.
ഓറഞ്ച് അലര്ട്ട്
- 04/06/2026: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്
- 05/06/2026: തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട്
- 06/06/2026: കോഴിക്കോട്, വയനാട്, കണ്ണൂര്, കാസര്കോട്
- 07/06/2026: കണ്ണൂര്, കാസര്കോട്
ഒറ്റപ്പെട്ടയിടങ്ങളില് അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില് 115.6 mm മുതല് 204.4 mm വരെ മഴ ലഭിക്കുന്ന സാഹചര്യത്തെയാണ് അതിശക്തമായ മഴ (Very Heavy Rainfall) എന്നത് കൊണ്ട് കേന്ദ്ര കാലാവസ്ഥാ വകുപ്പ് അര്ത്ഥമാക്കുന്നത്.
യെല്ലോ അലര്ട്ട്
- 04/06/2026: പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട്
- 05/06/2026: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം
- 06/06/2026: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം
- 07/06/2026: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത് (Kerala Rain Alert Today). 24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ (ISOL H) എന്നത് കൊണ്ട് കേന്ദ്ര കാലാവസ്ഥാ വകുപ്പ് അര്ത്ഥമാക്കുന്നത്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്.
അതേസമയം, കാലാവസ്ഥാമാറ്റം അനുസരിച്ച് മുന്നറിയിപ്പുകള് ഏത് സമയത്ത് വേണമെങ്കിലും മാറാനിടയുണ്ടെന്ന് ഓര്ക്കുക (Kerala Weather Today).
കാലവര്ഷത്തിനൊപ്പം പിടിമുറുക്കും പകര്ച്ചവ്യാധികളും, കരുതിയിരിക്കേണ്ട രോഗങ്ങള് ഇവ, കാരണങ്ങളുമറിയാം
ഉരുള്പൊട്ടല്, മലവെള്ളപ്പാച്ചില്, മണ്ണിടിച്ചില് തുടങ്ങിയ പ്രതിഭാസങ്ങള്ക്ക് സാധ്യതയുള്ള മേഖലകളില് താമസിക്കുന്നവര് അധികൃതരുടെ നിര്ദേശാനുസരണം സുരക്ഷിതമായ ഇടങ്ങളിലേക്ക് മാറി താമസിക്കണം.
നദീതീരങ്ങള്, അണക്കെട്ടുകളുടെ താഴ് വാരങ്ങള് എന്നിവിടങ്ങളില് താമസിക്കുന്നവരും അപകടസാധ്യത മുന്കൂട്ടി കണ്ട് മാറേണ്ടതുണ്ട്. ഇത്തരം മേഖലകളിലുള്ളവര് അധികൃതരുടെ മുന്നറിയിപ്പുകള് കൃത്യമായി പിന്തുടരാന് ശ്രദ്ധിക്കണം.
ഇടിമിന്നല് ജാഗ്രതാനിര്ദേശം
ഇടിമിന്നല് അപകടകരമാണ്. അവ മനുഷ്യരുടെയും മൃഗങ്ങളുടെയും ജീവനും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങള്ക്കും വലിയ നാശനഷ്ടം സൃഷ്ടിക്കും. സംസ്ഥാന ദുരന്ത നിവാരണ അതോറിറ്റി ഇടിമിന്നലിനെ സവിശേഷ ദുരന്തമായി പ്രഖ്യാപിച്ചിട്ടുണ്ട്.
Viral Girl's Marriage: വൈറല് പെണ്കുട്ടിയുടെ വിവാഹം: മുഹമ്മദ് ഫര്മാന്റെ അറസ്റ്റ് തടഞ്ഞ് ഹൈക്കോടതി
കാര്മേഘം കണ്ട് തുടങ്ങുന്ന സമയം മുതല് തന്നെ പൊതുജനങ്ങള് മുന്കരുതല് സ്വീകരിക്കേണ്ടതുണ്ട്. ഇടിമിന്നല് ദൃശ്യമല്ല എന്നതിനാല് ഇത്തരം മുന്കരുതല് സ്വീകരിക്കുന്നതില് നിന്നും വിട്ടുനില്ക്കരുത്.
- ഉച്ചക്ക് 2 മണി മുതല് രാത്രി 10 മണി വരെ അന്തരീക്ഷം മേഘാവൃതമാണെങ്കില്, തുറസായ സ്ഥലത്തും, ടെറസിലും വിഹരിക്കുന്നതും കുട്ടികള് കളിക്കുന്നതും ഒഴിവാക്കുക.
- ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാല് ഉടന് തന്നെ സുരക്ഷിതമായ കെട്ടിടത്തിനുള്ളിലേക്ക് മാറുക.
- മഴക്കാറ് കാണുമ്പോള് തുണികള് എടുക്കാന് ടെറസിലേക്കോ, മുറ്റത്തേക്കോ ഇടിമിന്നലുള്ള സമയത്ത് പോകരുത്.
- ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക. ജനലും വാതിലും അടച്ചിടുക. ലോഹ വസ്തുക്കളുടെ സ്പര്ശനമോ സാമീപ്യമോ പാടില്ല.
- വൈദ്യുതി ഉപകരണങ്ങളുടെ സാമീപ്യവും ഒഴിവാക്കുക. ടെലിഫോണ് ഉപയോഗിക്കുന്നത് ഒഴിവാക്കാന് ശ്രമിക്കുക.
- ഇടിമിന്നലുള്ള സമയത്ത് കുളിക്കുന്നത് ഒഴിവാക്കുക. കഴിയുന്നത്ര ഗൃഹാന്തര് ഭാഗത്ത് ഭിത്തിയിലോ തറയിലോ സ്പര്ശിക്കാതെ ഇരിക്കുക.
- ഇടിമിന്നലുള്ളപ്പോള് ടെറസിലോ മറ്റ് ഉയരമുള്ള സ്ഥലങ്ങളിലോ വൃക്ഷ കൊമ്പിലോ ഇരിക്കുന്നത് അപകടകരമാണ്. വീടിന് പുറത്താണങ്കില് വൃക്ഷങ്ങളുടെ ചുവട്ടില് നില്ക്കരുത്.
- വാഹനത്തിനുള്ളില് ആണെങ്കില് തുറസായ സ്ഥലത്ത് നിര്ത്തി, ലോഹ ഭാഗങ്ങളില് സ്പര്ശിക്കാതെ ഇരിക്കണം.
- ഇടിമിന്നല് ഉണ്ടാകുമ്പോള് ജലാശയത്തില് ഇറങ്ങുവാന് പാടില്ല. പട്ടം പറത്തുവാന് പാടില്ല.
- തുറസായ സ്ഥലത്താണങ്കില് പാദങ്ങള് ചേര്ത്തുവച്ച് തല കാല് മുട്ടുകള്ക്ക് ഇടയില് ഒതുക്കി പന്തുപോലെ ഉരുണ്ട് ഇരിക്കുക.
- ഇടിമിന്നലുള്ള സമയം പുറത്ത് അയയില് കിടക്കുന്ന നനഞ്ഞ വസ്ത്രങ്ങള് എടുക്കാതിരിക്കുക.
- ഇടിമിന്നലില്നിന്ന് സുരക്ഷിതമാക്കാന് കെട്ടിടങ്ങള്ക്ക് മുകളില് മിന്നല് ചാലകം സ്ഥാപിക്കാം.
- വൈദ്യുതോപകരണങ്ങളുടെ സുരക്ഷയ്ക്കായി സര്ജ്ജ് പ്രോട്ടക്ടര് ഘടിപ്പിക്കാം.
- മിന്നലിന്റെ ആഘാതത്താല് പൊള്ളല് ഏല്ക്കുകയോ കാഴ്ചയോ കേള്വിയോ നഷ്ടമാവുകയോ ഹൃദയാഘാതം സംഭവിക്കുകയോ ചെയ്യാം.
- മിന്നലാഘാതം ഏറ്റ ആളിന്റെ ശരീരത്തില് വൈദ്യുത പ്രവാഹം ഇല്ല എന്ന് മനസ്സിലാക്കണം. അതിനാല് മിന്നലേറ്റ ആളിന് പ്രഥമ ശുശ്രൂഷ നല്കാന് മടിക്കരുത്.
- മിന്നല് ഏറ്റാല് ആദ്യ മുപ്പത് സെക്കന്ഡ് ജീവന് രക്ഷിക്കാനുള്ള സുവര്ണ നിമിഷങ്ങളാണ്.
- വളര്ത്തുമൃഗങ്ങളെ തുറസായ സ്ഥലത്ത് ഈ സമയത്ത് കെട്ടരുത്. അവയെ അഴിക്കുവാനും സുരക്ഷിതമായി മാറ്റി കെട്ടുവാനും, മഴ മേഘം കാണുമ്പോള് പോകരുത്.