മഴക്കാലത്ത് ജലദോഷപ്പനി മുതല് എച്ച് 1 എന് 1 വരെ നീളും രോഗങ്ങള്. പകര്ച്ചവ്യാധികളെ കരുതിയിരിക്കണം. മുന്കരുതല് നടപടികള് സ്വീകരിക്കുകയും അസുഖം ബാധിച്ചാല് കൃത്യമായ ചികിത്സ തേടുകയും വേണം.
- വൈറല് പനി
മഴക്കാലത്ത് വായുവിലൂടെ എളുപ്പം പകരുന്ന രോഗമാണിത്. തുമ്മല്, തലവേദന, ശരീരവേദന, തൊണ്ടവേദന, ക്ഷീണം തുടങ്ങിയവയാണ് ലക്ഷണങ്ങള്. ചികിത്സയും വിശ്രമവും വേണം. മതിയായ അളവില് ശരീരത്തില് ജലാംശം ഉറപ്പുവരുത്തണം.
വൈറല് പനി ന്യുമോണിയ ആയി മാറാന് സാധ്യതയുള്ളതിനാല് സ്വയം ചികിത്സ ഒഴിവാക്കി ആശുപത്രികളില് എത്തി ആധുനിക പരിചരണം തേടണം.
- ഡെങ്കിപ്പനി
കൊതുക് പരത്തുന്ന രോഗമാണിത്. ഈഡിസ് ഈജിപ്റ്റി കൊതുകുവര്ഗമാണ് ഈ രോഗം പടര്ത്തുന്നത്. രോഗം അധികമായാല് മരണം വരെ സംഭവിക്കാം.
ശക്തമായ പനി, അസഹ്യമായ തലവേദന, സന്ധികളില് വേദന, കണ്ണുകളുടെ പിന്നില് വേദന, വിശപ്പില്ലായ്മ, മൂക്ക് മോണ, എന്നിവിടങ്ങളിലും മലത്തിലും രക്തം കാണപ്പെടുക, പ്ലേറ്റ്ലെറ്റ് കൗണ്ടിലെ വന് ഇടിവ്, തുടങ്ങിയവയാണ് പ്രധാന ലക്ഷണങ്ങള്.
ഒരിക്കല് ഡെങ്കി വന്നവര്ക്ക് വീണ്ടും ഉണ്ടാകുമ്പോള് രോഗം ഗുരുതരമാകാനിടയുണ്ട്. കുട്ടികള്, ഗര്ഭിണികള്, നവജാത ശിശുക്കള്, പ്രായമായവര് എന്നിവര്ക്ക് പ്രത്യേക ശ്രദ്ധ നല്കണം. മേല്പ്പറഞ്ഞ ലക്ഷണങ്ങള് 3 ദിവസത്തിലേറെ നീണ്ടാല് ആധുനിക ചികിത്സ തേടണം.
- എലിപ്പനി
രോഗബാധിതരായ എലികളുടെ വിസര്ജ്യങ്ങളിലെ അണുക്കള് മുറിവുകള് വഴി ശരീരത്തിലെത്തിയാണ് എലിപ്പനി ബാധിക്കുന്നത്. ലെപ്റ്റോസ്പൈറ ബാക്ടീരിയയാണ് രോഗകാരി. എലിമൂത്രത്തിലൂടെ അണുക്കള് ജലത്തിലും മറ്റും കലരാനിടയുണ്ട്.
മലിനജലത്തില് ചവിട്ടുമ്പോഴും മുറ്റും കാലിലെ ചെറിയ മുറിവുകള് വഴി ഈ അണുക്കള് ശരീരത്തില് എത്താം. കടുത്ത പനി, വിറയല്, തളര്ച്ച, ശരീരവേദന, ഛര്ദി, മനംപുരട്ടല്, കണ്ണിന് ചുവപ്പുനിറം, ശരീരത്തില് മഞ്ഞ നിറം, മൂത്രം കടുത്ത നിറത്തില് പോകുക എന്നിവയാണ് ലക്ഷണങ്ങള്.
Operation Toofan Kerala: കേരള പൊലീസ് ആരംഭിച്ച 'ഓപ്പറേഷൻ തൂഫാൻ': എന്താണ് ഈ നിർണായക ദൗത്യം? എന്തുകൊണ്ട് സംസ്ഥാനതലത്തില് ശക്തമായ പരിശോധന ?
ഇത്തരം ലക്ഷണങ്ങളുണ്ടെങ്കില് അടിയന്തരമായി ആധുനിക ചികിത്സ തേടണം. അതിവേഗം മൂര്ഛിക്കുന്ന രോഗമാണിത്. സ്വയം ചികിത്സ അപകടമാണ്.
- ചിക്കുന്ഗുനിയ
കൊതുക് പരത്തുന്ന മറ്റൊരു രോഗമാണിത്. ഈഡിസ് ഈജിപ്റ്റി കൊതുകുകളാണ് ചിക്കുന്ഗുനിയ വൈറസുകള് ഒരു രോഗിയില് നിന്ന് മറ്റൊരാളില് എത്തിക്കുന്നത്. പനിയുടെ രോഗലക്ഷണങ്ങളോടൊപ്പം ശക്തമായ സന്ധിവേദനയും അനുഭവപ്പെടും.
കടുത്ത ശരീരവേദന കാരണം നടക്കാന് പോലും കഴിയാത്ത സ്ഥിതി വരും. വെളിച്ചത്തിലേക്ക് നോക്കാന് ബുദ്ധിമുട്ട് നേരിടാം. രോഗം മൂര്ഛിച്ചാല് മരണം വരെ സംഭവിക്കാം. അതിനാല് സ്വയം ചികിത്സ നടത്താതെ അടിയന്തര ആശുപത്രി സേവനം തേടണം.
- ടൈഫോയ്ഡ്
മലിനമാക്കപ്പെട്ട ഭക്ഷണത്തിലൂടെയും കുടിവെള്ളത്തിലൂടെയും പകരുന്ന രോഗമാണിത്. സാല്മൊണെല്ല ബാക്ടീരിയയാണ് രോഗമുണ്ടാക്കുന്നത്. തുടക്കത്തില് ലക്ഷണങ്ങള് കുറവായിരിക്കും. ഇതാണ് ചികിത്സയിലെ വെല്ലുവിളിയും.
വിട്ടുമാറാത്ത പനിയും കടുത്ത ക്ഷീണവുമാണ് പ്രാഥമിക ലക്ഷണങ്ങള്. കുടലില് വ്രണങ്ങള് ഉണ്ടാവുകയും വയറുവേദന അനുഭവപ്പെടുകയും മലം കറുത്ത നിറത്തില് പോവുകയും ചെയ്യും. വിശപ്പില്ലായ്മയും തളര്ച്ചയും നീണ്ടുനില്ക്കും. ഉചിതമായ സമയത്ത് കൃത്യമായ ചികിത്സ തേടണം.
- എച്ച് 1 എന് 1
വായുവിലൂടെയാണ് എച്ച് 1 എന് 1 വ്യാപിക്കുക. ഇന്ഫ്ളുവന്സ എ വൈറസാണ് രോഗകാരി. ലക്ഷണങ്ങള് പ്രകടമാകാന് വൈകുമെന്നതാണ് വെല്ലുവിളി. പിന്നാലെ പനി, തൊണ്ടവേദന, ഛര്ദി, കടുത്ത ശരീരവേദന, എന്നിവ ഉണ്ടാകാം. ലക്ഷണങ്ങള് മൂര്ഛിക്കും മുന്പേ ചികിത്സ തേടേണ്ടതുണ്ട്.
എന്തുകൊണ്ട് കേരളം പകര്ച്ചവ്യാധികളുടെ പിടിയിലാകുന്നു ?
- കാലാവസ്ഥയും ഭൂപ്രകൃതിയും
നീണ്ട മഴക്കാലമാണ് കേരളത്തിന്റേത്. എണ്ണിയാലൊടുങ്ങാത്ത വെള്ളക്കെട്ടുകളും സംസ്ഥാനത്തുണ്ട്. അതായത് കൊതുകുകള് പെറ്റുപെരുകുന്നതിന് അനുയോജ്യമായ ഭൂപ്രകൃതിയും കാലാവസ്ഥയുമാണ് കേരളത്തിന്റേത്.
റോഡില് 'കൊമ്പന്', വില്പ്പനയിലും മുമ്പന്, 35,000 കടന്ന് ഡെലിവറി, പ്രീ ബുക്കിങ്ങ് കണക്ക് ഒരു ലക്ഷത്തിനടുത്ത്, വിസ്മയം തുടരുന്നു
- ഉയര്ന്ന ജനസാന്ദ്രത
ചെറിയ ഭൂപ്രദേശവും ഉയര്ന്ന ജനസംഖ്യയും കേരളത്തിന്റെ പ്രത്യേകതയാണ്. സംസ്ഥാനത്ത് ജനങ്ങള് തിങ്ങിപ്പാര്ക്കുകയാണ്. അതിവേഗമാണ് നഗരവത്കരണം. ജനസാന്ദ്രതയേറിയതിനാല് പകര്ച്ചവ്യാധികള് ഒരാളില് നിന്ന് മറ്റൊരാളിലേക്ക് എളുപ്പം പകരും.
- പരിസര മലിനീകരണം
വെള്ളക്കെട്ടുകള് മലിനമാക്കപ്പെടുന്നത് പ്രധാന പ്രതിസന്ധികളിലൊന്നാണ്. ഇവ കൊതുകുകളുടെ പ്രജനന കേന്ദ്രം മാത്രമല്ല, മറ്റ് പല രോഗങ്ങളുടെയും ഉറവിടവുമാകുന്നു. കുടിവെള്ളം മലിനമാക്കപ്പെടുന്നത് മൂലവും പലവിധ രോഗങ്ങള്ക്ക് സാധ്യതയേറുന്നു.
- മാലിന്യ സംസ്കരണത്തിലെ അപാകതകള്
മാലിന്യ സംസ്കരണത്തിലെ അപാകതകളും പൊതുവിടങ്ങളിലും മറ്റും മാലിന്യം നിക്ഷേപിക്കുന്നതും കൊതുക്, ഈച്ചകള്, എലികള് എന്നിവയുടെ എണ്ണം വര്ധിപ്പിക്കുന്നു.
- മൃഗങ്ങളില് നിന്ന് പകരുന്നു
വൈറസ് വാഹകരായ മൃഗങ്ങളുമായുള്ള ഇടപെഴകലിലൂടെ പലവിധ രോഗങ്ങള് ആളുകളെ ബാധിക്കാറുണ്ട്. കൂടാതെ ജനവാസ മേഖലകളിലേക്ക് പലവിധ വൈറസുകളെയും വഹിച്ച് വന്യജീവികള് എത്തുന്നതും ഗുരുതര രോഗങ്ങള്ക്ക് ഇടയാക്കുന്നു.
- വിദേശയാത്രകള് മുഖേനയും
വിദേശ രാജ്യങ്ങളിലും ഇതര സംസ്ഥാനങ്ങളിലും ജോലി ചെയ്യുന്ന നിരവധി മലയാളികളുണ്ട്. വിവിധ ആവശ്യങ്ങള്ക്കായി സംസ്ഥാനത്ത് എത്തുന്ന വിദേശികളോ ഇതര സംസ്ഥാനക്കാരോ ഉണ്ട്. ഇവരിലൂടെയും ചില വൈറസുകള് പകരാറുണ്ട്.