തമിഴിലും മലയാളത്തിലും നിരവധി ആരാധകരുള്ള ഗായികമാരാണ് ബിന്നി കൃഷ്ണകുമാറും മകള് ശിവാംഗി കൃഷ്ണയും. ശിവാംഗിയുടെ പാട്ടും അവതരണവുമെല്ലാം തമിഴ് ഇൻഡസ്ട്രിയില് സൂപ്പർഹിറ്റാണ്.
മകളേക്കാള് വലിയ താരമായ അമ്മ മലയാളത്തിലെ റിയാലിറ്റി ഷോകളിലെ നിറസാന്നിധ്യവുമാണ്. ബിന്നിയുടെ ഭർത്താവ് കൃഷ്ണകുമാറും സംഗീതജ്ഞനാണ്. ഇക്കൂട്ടത്തില് ഉള്പ്പെടാത്തത് മകൻ വിനായക് ആണ്. വിനായകിന് പാട്ടിനേക്കാള് കമ്പം ഡാൻസിനോടാണ്. ഇപ്പോഴിതാ ഒരു അഭിമുഖത്തില് മകള്ക്ക് ശിവാംഗി എന്ന് പേരിട്ടതിനെ കുറിച്ച് (Shivangi Krishnakumar Name Story) ബിന്നിയും പാട്ടിന്റെയും കുടുംബത്തിന്റെയും വിശേഷങ്ങള് ശിവാംഗിയും അച്ഛനും പങ്കുവയ്ക്കുകയാണ്.
'ശിവാംഗി എന്ന പേരിന് നന്ദി പറയേണ്ടത് അമിതാഭ് ബച്ചനാണ് (Amitabh Bachchan Shivangi Name). ടിവിയില് കോൻ ബനേഗ കോർപതി എന്ന പരിപാടി കാണുകയായിരുന്നു ഞാൻ. മോള്ക്ക് ഒരു പേര് തിരയുകയായിരുന്നു ഞങ്ങള്. കുഞ്ഞ് എന്റെ മടിയില് ഉറങ്ങുകയായിരുന്നു. അപ്പോഴാണ് ബച്ചൻ സർ ചോദിച്ചത്. ശിവാംഗി ആരുടെ പേരാണ്? അത് എന്റെ ഹൃദയത്തെ സ്പർശിച്ചു. അങ്ങനെയാണ് ശിവാംഗി എന്ന പേര് വന്നത്. എന്റെ പേരിനെക്കുറിച്ചും കൗതുകമുണ്ട്. എന്റെ അച്ഛൻ ആദ്യം എനിക്ക് സൗമിനി എന്ന് പേരിട്ടു. വീട്ടില് സംഗീത എന്നും വിളിച്ചു. പക്ഷേ, ഇവ രണ്ടും ഇഷ്ടമല്ലെന്ന് കൊഞ്ചി പറഞ്ഞതുകൊണ്ടാണോ എന്ന് എനിക്കറിയില്ല. സ്കൂളില് ചേർത്തപ്പോള് അച്ഛൻ എനിക്ക് ബിന്നി എന്ന് പേരിട്ടു. അന്ന് തൊടുപുഴയില് ബിന്നി സില്ക്സ് ഒരു വലിയ ഹിറ്റായിരുന്നു' - ബിന്നി പറഞ്ഞു.
'സാരിയോടുള്ള ഇഷ്ടം പ്രതീക്ഷിച്ചാണോ ബിന്നിക്ക് ആ പേര് നല്കിയതെന്ന് എനിക്ക് സംശയമുണ്ട്. കൂടാതെ, സൗമിനി എന്ന പേരും ബിന്നിയുടെ കഥാപാത്രത്തിന് ഒട്ടും യോജിക്കുന്നില്ല' - എന്നാണ് ഇതിന് മറുപടി ആയിട്ട് കൃഷ്ണകുമാർ പറഞ്ഞത്.
'സാരികള് ഒരു വലിയ ഭ്രാന്താണ്. മാലകളും കമ്മലുകളും വളകളും എന്റെ ഐഡന്റിറ്റിയായി മാറിയിരിക്കുന്നു. കൃഷ്ണനും അവ വളരെ ഇഷ്ടമാണ്. പക്ഷേ സോഷ്യല് മീഡിയയില് അഭിപ്രായം പറയുന്നവരുണ്ട്. അത് സഹിക്കാൻ കഴിയാത്തവരാണ് അവർ. എന്റെ സ്വാതന്ത്ര്യത്തിനനുസരിച്ച് ഞാൻ തയ്യാറെടുക്കുന്നതുകൊണ്ടല്ലേ? അവർ എന്തിനാണ് അതില് വിഷമിക്കേണ്ടത്? എനിക്ക് സാരികളുടെയും മാലകളുടെയും കമ്മലുകളുടെയും ഒരു വലിയ ശേഖരം ഉണ്ട്.
അഞ്ച് ഗ്രാം സ്വർണ കസവുള്ള ഒരു സാരിയെനിക്കുണ്ട്. അതിനെ 'പാലും പഴവും' എന്നാണ് വിളിക്കുന്നത്. വളരെക്കാലത്തെ ആഗ്രഹത്തിന് ശേഷമാണ് എനിക്ക് ആ 'രേഖ സാരി' ലഭിച്ചത്. പ്രത്യേകത എന്തെന്നാല് അത് നടി രേഖ ഉടുക്കുന്ന പോലുള്ള സാരിയാണ്. അവരുടെ സാരികള് നെയ്യുന്ന അതേ കൈത്തറി നെയ്ത്തുകാരാണ് ഇത് നെയ്തത്.
Also Read: Srinda Aadu 3 Character: 'ആട് ശരിക്കും ഒരു അത്ഭുതം, മഹാറാണി രോഹിണി ലുക്ക് വലിയ അനുഭവമായിരുന്നു': ശ്രിന്ദ
ശിവാംഗിയെ ഹിറ്റാക്കിയ 'കുക്ക് വിത്ത് കോമാളി'
'ഞാൻ ചെന്നൈയിലെ ഒരു വനിതാ കോളേജിലാണ് പഠിച്ചത്. ആണ്പിള്ളേരെയൊന്നും കാണാൻ കഴിയില്ലല്ലോ. അതുകൊണ്ട് ഞങ്ങള് ഒരു പ്ലാൻ ഉണ്ടാക്കി. നമുക്ക് ഒരു ബാൻഡ് രൂപീകരിക്കാം. പിന്നെ നമുക്ക് ബാൻഡിനൊപ്പം ടൂർ നടത്താം. ബാൻഡിന്റെ പേര് 'തീപ്പെട്ടി' എന്നായിരുന്നു. അതായിരുന്നു തുടക്കം.
പ്രസാദ് സ്റ്റുഡിയോ എന്റെ വീടിനടുത്താണ്. സൂപ്പർ സിംഗർ എന്ന റിയാലിറ്റി ഷോയുടെ ഓഡിഷൻ അവിടെ ഉണ്ടെന്ന് ഞാൻ കേട്ടു. ഞാൻ പാടി പരീക്ഷിച്ചു നോക്കി. അടുത്ത റൗണ്ടില് എത്തിയപ്പോള് എനിക്ക് കൂടുതല് പാടേണ്ടി വന്നു. ഞാൻ എന്റെ അമ്മയെ വിളിച്ച് ഒന്നോ രണ്ടോ മണിക്കൂറിനുള്ളില് പാട്ട് പഠിച്ചു. സൂപ്പർ സിംഗറിലൂടെ ഞാൻ പാട്ടിലേക്ക് എത്തിയത് അങ്ങനെയാണ്.
Also Read: Who is Jagadish Palanisamy: ജിവി പ്രകാശിന്റെ സോഷ്യല് മീഡിയ മാനേജരായി തുടക്കം, ഒന്നിച്ചുള്ള സിനിമ യാത്ര, വിജയ്യുടെ വിജയത്തിന് പിന്നിലെ ഗെയിം ചേഞ്ചർ; ആരാണ് ജഗദീഷ് പളനിസാമി?
എന്റെ അച്ഛനും അമ്മയും എന്നെ സിഎക്കാരി ആക്കാൻ ആഗ്രഹിച്ചു. ചെറുപ്പത്തില്, ആദ്യം ജോലി നേടുകയും പിന്നീട് ഗായികയാകുകയും ചെയ്യുമെന്ന് ഞാൻ കരുതി. അതായിരുന്നു പ്ലാൻ ബി. പക്ഷേ ദൈവം എന്റെ പ്ലാൻ ബി ആണ് ഇഷ്ടപ്പെട്ടത്.
'കുക്ക് വിത്ത് കോമാളി' എന്റെ വഴി മാറ്റി. പാചകത്തോടൊപ്പം, വിനോദത്തിനും മറ്റ് കാര്യങ്ങള്ക്കും കോമാളിമാരും ഉണ്ടാകും. ഒരു കോമാളിയുടെ വേഷം ധരിച്ചാണ് ഞാൻ ഇതിലേക്ക് കടക്കുന്നത്. അടുത്ത സീസണില് ഞാൻ പാചകത്തിലേക്കും പ്രവേശിച്ചു. എന്റെ സംഭാഷണവും വെപ്രാളവും ആളുകള്ക്ക് ഇഷ്ടപ്പെട്ടത് ആവാം' - ശിവാംഗി പറയുന്നു