കോവിഡ് വാക്സിന് മനുഷ്യരില് നടത്തിയ പരീക്ഷണം വിജയിച്ചു. റഷ്യയില് നിന്ന് ഏറെ ആശ്വാസം പകരുന്ന ഒരു വാര്ത്തയാണ് പുറത്തുവരുന്നത്.
കൊവിഡിനെതിരായ വാക്സിന്റെ 'ക്ലിനിക്കല് ട്രയല്' അഥവാ മനുഷ്യരിലെ പരീക്ഷണം വിജയകരമായി പൂര്ത്തിയാക്കിയെന്നതാണ് വാര്ത്ത.
രോഗത്തിനെതിരെ ഫലപ്രദമായ വാക്സിന് കണ്ടെത്തുകയെന്ന ലക്ഷ്യത്തിലാണ് ഓരോ രാജ്യവുമുള്ളത്. ഇന്ത്യയുള്പ്പെടെ പലയിടങ്ങളിലും ഇതിനായുള്ള പ്രവര്ത്തനങ്ങള് പുരോഗമിച്ചുകൊണ്ടിരിക്കുകയാണ്.
🦠#Sechenov University has successfully completed tests on volunteers of the world's first vaccine against #COVID19.
"The #vaccine is safe.
- Russia in India (@RusEmbIndia)
റഷ്യയിലെ 'ഗാമലെയ് ഇന്സ്റ്റിറ്റ്യൂട്ട് ഓഫ് എപിഡെമോളജി ആന്റ് മൈക്രോബയോളജി'യില് നിന്നുള്ള ഗവേഷകരാണ് വാക്സിന് കണ്ടെത്തിയത്.
ഇത് വിവിധ പരീക്ഷണഘട്ടങ്ങള് പൂര്ത്തിയാക്കിയ ശേഷം ജൂണ് 18ന് മനുഷ്യരില് പരീക്ഷണം ആരംഭിക്കുകയായിരുന്നു. 'സെഷ്നോവ് യൂണിവേഴ്സിറ്റി'യിലാണ് പരീക്ഷണം നടക്കുന്നത്.
ആദ്യ ബാച്ചില് പരീക്ഷണത്തിന് വിധേയരായ രോഗികളെ ഈ വരുന്ന ബുധനാഴ്ച ആശുപത്രിയില് നിന്ന് ഡിസ്ചാര്ജ് ചെയ്യുമെന്നാണ് റിപ്പോര്ട്ടുകള് നല്കുന്ന സൂചന. അടുത്ത ബാച്ചിനെ ജൂലൈ ഇരുപതോടെയും ഡിസ്ചാര്ജ് ചെയ്യുമെന്നും റിപ്പോര്ട്ടുകള് അവകാശപ്പെടുന്നു.
മനുഷ്യരില് പരീക്ഷണം നടത്തി വിജയം കൈവരിക്കുന്ന ലോകത്തിലെ ആദ്യ കൊവിഡ് വാക്സിനായിരിക്കും റഷ്യയിലേത്. ഇതിന്റെ വിജയത്തിന് പിന്നില് പ്രവര്ത്തിക്കുകയും സഹകരിക്കുകയും ചെയ്ത എല്ലാവര്ക്കും നന്ദി അറിയിക്കുകയാണ് ഗവേഷകരിപ്പോള്.