Dailyhunt Logo
  • Light mode
    Follow system
    Dark mode
    • Play Story
    • App Story
ഭാര്യയോട് സംസാരിച്ചതിന് അയല്‍വാസിയെ വെട്ടിക്കൊല്ലാൻ ശ്രമിച്ച അക്രമിയെ കീഴ്പ്പെടുത്താൻ പൂഴിക്കടകൻ പ്രയോഗിച്ചു

ഭാര്യയോട് സംസാരിച്ചതിന് അയല്‍വാസിയെ വെട്ടിക്കൊല്ലാൻ ശ്രമിച്ച അക്രമിയെ കീഴ്പ്പെടുത്താൻ പൂഴിക്കടകൻ പ്രയോഗിച്ചു

Truevisionnews 22 hrs ago
ഭാര്യയോട് സംസാരിച്ചതിന് വൈരാഗ്യം; അയല്‍വാസിയെ വെട്ടിക്കൊല്ലാൻ ശ്രമിച്ച യുവാവിനെ നാട്ടുകാർ പിടികൂടി പോലീസില്‍ ഏല്‍പിച്ചുതിരുവനന്തപുരം: വെട്ടുകാട് പള്ളിക്ക് സമീപം വെള്ളിയാഴ്ച രാത്രി അയല്‍വാസിയെ വെട്ടിക്കൊല്ലാൻ ശ്രമിച്ച യുവാവിനെ നാട്ടുകാർ പിടികൂടി പോലീസില്‍ ഏല്‍പിച്ചു.
ഭാര്യയോട് സംസാരിച്ചതിന്റെ പേരിലുണ്ടായ വൈരാഗ്യമാണ് ആക്രമണത്തിന് പിന്നിലെന്നാണ് പ്രാഥമിക വിവരം.വെട്ടുകാട് സ്വദേശിയായ ജോസ് അലോഷ്യസാണ് അയല്‍വാസി ഗോഡ്ഫ്രിയെ വെട്ടുകത്തി ഉപയോഗിച്ച്‌ ആക്രമിക്കാൻ ശ്രമിച്ചതെന്ന് പൊലീസ് പറയുന്നു. കടല്‍ത്തീരത്ത് നില്‍ക്കുകയായിരുന്ന ഗോഡ്ഫ്രിക്ക് നേരെ ജോസ് വെട്ടുകത്തിയുമായി പാഞ്ഞടുക്കുകയായിരുന്നു.അപകടം തിരിച്ചറിഞ്ഞ ഗോഡ്ഫ്രി ഓടി രക്ഷപ്പെടാൻ ശ്രമിച്ചെങ്കിലും ജോസ് പിന്തുടർന്ന് വെട്ടാൻ ശ്രമിച്ചതായി നാട്ടുകാർ പറഞ്ഞു. സംഭവസ്ഥലത്തെ ബഹളം കേട്ട് ഓടിയെത്തിയ നാട്ടുകാർ ആദ്യം ഇയാളെ തടയാൻ ശ്രമിച്ചു.ഇതിനിടെ കൈയില്‍ കിട്ടിയ മണല്‍ ജോസിന്റെ മുഖത്തേക്ക് വാരിയെറിഞ്ഞു. കണ്ണില്‍ മണല്‍ വീണ് കാഴ്ച മങ്ങിയതോടെ നാട്ടുകാർ ചേർന്ന് ജോസിനെ കീഴ്പ്പെടുത്തുകയായിരുന്നു. പിന്നാലെ ഇയാളെ പിടികൂടി പോലീസില്‍ ഏല്‍പിച്ചു.ഗോഡ്ഫ്രിയും ജോസിന്റെ ഭാര്യയും തമ്മില്‍ സംസാരിച്ചതിലുള്ള വൈരാഗ്യമാണ് ആക്രമണത്തിന് പിന്നിലെന്നാണ് പ്രാഥമിക വിവരം. സംഭവത്തില്‍ പൊലീസ് തുടർനടപടി സ്വീകരിച്ചു.
Dailyhunt
Disclaimer: This content has not been generated, created or edited by Dailyhunt. Publisher: Truevisionnews