(https://truevisionnews.com/) മാമ്പഴത്തിന്റെ സ്വാഭാവിക മധുരവും സുഗന്ധവും നിറഞ്ഞ, എളുപ്പത്തില്‍ തയ്യാറാക്കാവുന്ന ഒരു സ്വാദിഷ്ടമായ കേക്കാണിത്.

ചായയ്ക്കൊപ്പവും ചെറിയ ആഘോഷങ്ങള്‍ക്കും ഒരുപോലെ വിളമ്പാൻ പറ്റിയ, കുട്ടികള്‍ക്കും മുതിർന്നവർക്കും ഒരേപോലെ ഇഷ്ടപ്പെടുന്ന സോഫ്റ്റ് മാംഗോ കേക്കിന്റെ റെസിപ്പി താഴെ നല്‍കുന്നു.

ചേരുവകള്‍

മൈദ - 1 കപ്പ് (120 ഗ്രാം)

ബേക്കിംഗ് പൗഡർ - 1 ടീസ്പൂണ്‍

ബേക്കിംഗ് സോഡാ - 1/4 ടീസ്പൂണ്‍

ഉപ്പ് - 1/8 ടീസ്പൂണ്‍

അണ്‍സാള്‍ട്ടഡ് ബട്ടർ (റൂം ടെമ്പറേച്ചറില്‍) - 1/2 കപ്പ് (113 ഗ്രാം)

പഞ്ചസാര - 1/2 കപ്പ് (100 ഗ്രാം)

മാമ്പഴ പള്‍പ്പ് (Mango Puree) - 1/2 കപ്പ് (100 ഗ്രാം)

മുട്ട (റൂം ടെമ്പറേച്ചറില്‍) - 2 എണ്ണം

മാംഗോ എസ്സൻസ് അല്ലെങ്കില്‍ വാനില എസ്സൻസ് - 1 ടീസ്പൂണ്‍

തയ്യാറാക്കുന്ന വിധം

ഒരു 8"x4" ലോഫ് പാൻ (Loaf pan) എണ്ണയോ ബട്ടറോ പുരട്ടി ബേക്കിംഗ് പേപ്പർ വെച്ച്‌ തയ്യാറാക്കുക. ഓവൻ 175°C-ല്‍ പ്രീഹീറ്റ് ചെയ്യാൻ വെക്കുക.

മൈദ, ബേക്കിംഗ് പൗഡർ, ബേക്കിംഗ് സോഡാ, ഉപ്പ് എന്നിവ ഒരു പാത്രത്തിലേക്ക് അരിച്ചെടുക്കുക. ഇത് രണ്ട് തവണ കൂടി ആവർത്തിക്കുക. ഇങ്ങനെ ചെയ്യുന്നത് മാവിലേക്ക് കൂടുതല്‍ വായു കടക്കാനും കേക്ക് നല്ല സോഫ്റ്റ് ആകാനും സഹായിക്കും.

മറ്റൊരു പാത്രത്തില്‍ ബട്ടർ എടുത്ത് നല്ല മൃദുവാകുന്നത് (Pale & Fluffy) വരെ അര മിനിറ്റ് നന്നായി അടിക്കുക (Beat ചെയ്യുക). ഇതിലേക്ക് പഞ്ചസാര ചേർത്ത് വീണ്ടും നന്നായി യോജിപ്പിക്കുക.

ഇനി ഇതിലേക്ക് മുട്ട ഓരോന്നായി ചേർത്ത് കൊടുക്കുക. ഒരു മുട്ട ചേർത്ത് അര മിനിറ്റ് നന്നായി അടിച്ച ശേഷം അടുത്ത മുട്ട ചേർക്കുക.

ഇതിലേക്ക് മാമ്പഴ പള്‍പ്പും, മാംഗോ അല്ലെങ്കില്‍ വാനില എസ്സൻസും ചേർത്ത് നന്നായി യോജിപ്പിച്ചെടുക്കുക.

അരിച്ചുവെച്ചിരിക്കുന്ന മൈദ മിശ്രിതം മൂന്ന് തവണകളായി ഇതിലേക്ക് ഇട്ട് വളരെ പതുക്കെ (Gently fold) യോജിപ്പിച്ചെടുക്കുക. ഒരുപാട് ഇട്ട് ഇളക്കരുത് (Over mix ചെയ്യരുത്).