ചൊവ്വാഴ്ച ഉച്ചയ്ക്ക് ഒരു പൊലീസുകാരൻ വാങ്ങിയ ഭക്ഷണ പാഴ്സലിലാണ് ചത്ത അട്ടയെ കണ്ടത്.

ചൊവ്വാഴ്ച ഉച്ചയ്ക്ക് കാന്റീനിലെത്തിയ പൊലീസുകാരൻ ചോറിനൊപ്പം കഴിക്കാൻ മീൻ ഫ്രൈ വാങ്ങി വീട്ടില്‍ പോവുകയായിരുന്നു. വീട്ടിലെത്തി പൊതി തുറന്നു നോക്കിയപ്പോഴാണ് മീൻ ഫ്രൈയ്ക്കൊപ്പം ചത്ത അട്ടയെയും കണ്ടത്.

തുടർന്ന് കോർപ്പറേഷൻ ആരോഗ്യവിഭാഗം അധികൃതർ സ്ഥലത്തെത്തി പരിശോധന നടത്തുകയായിരുന്നു. വളരെ വൃത്തിഹീനമായ സാഹചര്യത്തിലാണ് കാന്റീൻ പ്രവർത്തിക്കുന്നതെന്ന് കണ്ടെത്തിയതിനെ തുടർന്ന് ഉടൻ തന്നെ പൂട്ടാൻ ഉത്തരവിടുകയായിരുന്നു.

കാന്റീനിലെ ഭക്ഷണത്തിന്റെ ഗുണനിലവാരത്തെക്കുറിച്ച്‌ മുൻപും പലതവണ പരാതികള്‍ ഉയർന്നിരുന്നു. എന്നാല്‍ കണ്‍ട്രോള്‍ റൂമിലെ ജീവനക്കാരുടെ ഏക ഭക്ഷണാശ്രയമായതിനാല്‍ പലരും പരാതിപ്പെടാൻ മടിക്കുകയായിരുന്നു. സംഭവത്തില്‍ കാന്റീൻ നടത്തുന്ന കരാറുകാരോട് നേരിട്ട് ഹാജരാകാൻ കോർപ്പറേഷൻ നിർദേശം നല്‍കിയിട്ടുണ്ട്.

Content Highlight: 'Dead leech found in fish fry'; Cantonment Police Canteen Corporation shuts down

#Latest news#Police Canteen#Cantonment Police#Corporation#Dead leech found fish fry