പതിമൂന്ന് ദിവസമായി തുടർന്നുപോന്ന ദൗത്യമാണ് ഇതോടെ വിജയകരമായി പൂർത്തിയായത്. ഇന്ന് പുലർച്ചെ മുതല്‍ വനംവകുപ്പ് സംഘം ആനയെ നിരീക്ഷിച്ചു വരികയായിരുന്നു. രാവിലെ വയനാട് താത്തൂർ വനമേഖലയില്‍ നടത്തിയ തിരച്ചിലിനൊടുവിലാണ് ആനയെ കണ്ടെത്താനായത്.

ആർ.ആർ.ടി സംഘം ഉള്‍പ്പെടെയുള്ള വൻ സന്നാഹമാണ് ഈ മിഷന് പിന്നിലുണ്ടായിരുന്നത്. കഴിഞ്ഞ ദിവസങ്ങളില്‍ പലതവണ മയക്കുവെടി വെക്കാൻ ശ്രമിച്ചിരുന്നെങ്കിലും ആന കാടിനുള്ളിലേക്ക് മറഞ്ഞത് ദൗത്യത്തിന് വെല്ലുവിളിയായിരുന്നു. ഒടുവില്‍ ഇന്ന് കൃത്യമായ നിരീക്ഷണത്തിലൂടെ ആനയെ കണ്ടെത്തുകയും മയക്കുവെടി വെച്ച്‌ തളയ്ക്കുകയും ചെയ്തു.

5 കുങ്കിയാനകളാണ് ദൗത്യത്തിന്റെ ഭാഗമായത്. നൂല്‍പ്പുഴ പഞ്ചായത്തിലെ 5 വാർഡുകളില്‍ നിരോധനാജ്ഞ പ്രഖ്യാപിച്ചു.ഒരു മാസം മുന്‍പ് വടക്കനാട് വെച്ച്‌ ആന ഒരാളെ കൊലപ്പെടുത്തിയിരുന്നു.ഉടന്‍ തന്നെ മുട്ടിക്കൊമ്പനെ പുറത്ത് എത്തിക്കുമെന്ന് വനം വകുപ്പ് ഉദ്യോഗസ്ഥര്‍ അറിയിച്ചു.

Mission Muttikomban success; Elephant drugged after 13 days of waiting