ബസ്സിലുണ്ടായിരുന്ന യാത്രക്കാരും ജീവനക്കാരുമടക്കം 15 പേർക്ക് പരിക്കേറ്റു.

തമ്പാനൂരില്‍ നിന്ന് കിളിമാനൂരിലേക്ക് പോവുകയായിരുന്ന ബസ്സും തിരുവനന്തപുരത്തേക്ക് വരികയായിരുന്ന ടാങ്കർ ലോറിയുമാണ് രാത്രി 11 മണിയോടെ അപകടത്തില്‍ പെട്ടത്. മറ്റൊരു വാഹനത്തെ ഓവർടേക്ക് ചെയ്യുന്നതിനിടെ നിയന്ത്രണം നഷ്ടപ്പെട്ട ടാങ്കർ ലോറി കെഎസ്‌ആർടിസി ബസ്സിലേക്ക് ഇടിച്ചുകയറുകയായിരുന്നു.

ശക്തമായ കൂട്ടിയിടിയില്‍ ഇരുവാഹനങ്ങളുടെയും മുൻഭാഗം തകർന്നു. ആരുടേയും പരിക്കുകള്‍ ഗുരുതരമല്ലെന്നാണ് പ്രാഥമിക വിവരം. സംഭവസ്ഥലത്തുണ്ടായിരുന്ന നാട്ടുകാരും പൊലീസും ചേർന്ന് ഉടൻ തന്നെ രക്ഷാപ്രവർത്തനം നടത്തി പരിക്കേറ്റവരെ സമീപത്തെ ആശുപത്രികളിലേക്ക് മാറ്റി. അപകടത്തെ തുടർന്ന് എംസി റോഡില്‍ കുറച്ചുസമയം ഗതാഗതം തടസ്സപ്പെട്ടു.

English Summary:

KSRTC bus and Bharat Petroleum tanker lorry collided at Kanakkode, Vattapara on MC Road at 11 pm. Fast passenger bus from Thampanoor to Kilimanoor collided with tanker coming to Thiruvananthapuram while overtaking. 15 people including 10 passengers injured, not serious. Both vehicles damaged, traffic blocked briefly. Locals and police conducted rescue.

Content Highlight: KSRTC Bus Petrol Tanker Lorry Collision At Vattapara MC Road 15 Injured

#KSRTC Accident#MC Road#Vattapara Accident#Tanker Lorry Accident