വി.ഡി സതീശനും കുടുംബവും പറവൂർ കേസരി ഗവ കോളജിലും പാണക്കാട് സാദിഖലി ശിഹാബ് തങ്ങള്‍ മലപ്പുറം പാണക്കാട് സികെഎംഎ എല്‍പി സ്കൂളിലും വോട്ട് രേഖപ്പെടുത്തി.

സംസ്ഥാനത്തെ 140 മണ്ഡലങ്ങളിലായി 2.71 കോടി വോട്ടർമാരാണ് ഇന്ന് ജനവിധി രേഖപ്പെടുത്തുക. രാവിലെ 7 മണിക്ക് ആരംഭിച്ച വോട്ടിങ് വൈകുന്നേരം 6 മണി വരെ തുടരും. സംസ്ഥാനത്തൊട്ടാകെ 30,495 പോളിങ് ബൂത്തുകളാണ് വോട്ടർമാരെ സ്വീകരിക്കാൻ സജ്ജീകരിച്ചിട്ടുള്ളത്.

140 മണ്ഡലങ്ങളിലായി ആകെ 883 സ്ഥാനാർഥികളാണ് ജനവിധി തേടുന്നത്. ഇത്തവണ കന്നി വോട്ട് രേഖപ്പെടുത്താൻ എത്തുന്ന നാല് ലക്ഷത്തിലധികം പുതിയ വോട്ടർമാരുടെ സാന്നിധ്യം ശ്രദ്ധേയമാണ്.

Assembly elections; Voting begins