കത്തുന്ന വേനലില് ദാഹം തീർക്കാൻ വെറുമൊരു വെള്ളം കുടിച്ചാല് മതിയോ? തളർന്നു വരുന്ന ശരീരത്തിന് പെട്ടെന്ന് ഊർജ്ജം നല്കാനും മനസ്സിന് കുളിർമ നല്കാനും ഇതാ ഒരു സ്പെഷ്യല് ഓറഞ്ച് മൊജിറ്റോ.
അധികം കഷ്ടപ്പെടാതെ വീട്ടിലുള്ള ചേരുവകള് കൊണ്ട് മിനിറ്റുകള്ക്കുള്ളില് ഇത് തയ്യാറാക്കാം. ഈ ചൂടുകാലത്ത് അതിഥികള്ക്ക് നല്കാനും കുട്ടികള്ക്ക് നല്കാനും ഇതിലും മികച്ചൊരു പാനീയം വേറെയില്ല.
ചേരുവകള്
ഓറഞ്ച്: 2 എണ്ണം
പുതിനയില: ആവശ്യത്തിന്
ഉപ്പ്: ഒരു നുള്ള്
നാരങ്ങ: സ്ലൈസ് ചെയ്തത് (2 കഷ്ണം)
ഐസ് ക്യൂബ്സ്: ആവശ്യത്തിന്
സ്പ്രൈറ്റ് (Sprite): ആവശ്യത്തിന്
പഞ്ചസാര: മധുരത്തിന് ആവശ്യമായത്
തയ്യാറാക്കുന്ന വിധം
ഓറഞ്ച് നന്നായി കഴുകി തൊലിയും കുരുവും പൂർണ്ണമായും നീക്കം ചെയ്ത് എടുക്കുക.
മിക്സിയുടെ ജാറിലേക്ക് ഓറഞ്ച് കഷ്ണങ്ങളും ഫ്രഷ് പുതിനയിലയും ചേർത്ത് നന്നായി അരച്ചെടുക്കുക.
ഈ മിശ്രിതം ഒരു അരിപ്പ ഉപയോഗിച്ച് അരിച്ച് ജ്യൂസ് മാത്രം വേർതിരിച്ച് ഒരു സെർവിംഗ് ഗ്ലാസിലേക്ക് മാറ്റാം.
ഇതിലേക്ക് ആവശ്യത്തിന് ഉപ്പും പഞ്ചസാരയും ചേർത്ത് നന്നായി ഇളക്കുക.
ശേഷം ഇതിലേക്ക് നാരങ്ങ സ്ലൈസ് ചെയ്തതും, ഐസ് ക്യൂബുകളും ചേർക്കുക.
അവസാനമായി ഇതിലേക്ക് ആവശ്യത്തിന് സ്പ്രൈറ്റ് കൂടി ഒഴിച്ച് പതുക്കെ ഒന്ന് ഇളക്കി യോജിപ്പിക്കുക.
തണുപ്പ് മാറുന്നതിന് മുൻപ് തന്നെ ഗ്ലാസ് അലങ്കരിച്ച് വിളമ്പാം. നമ്മുടെ ഓറഞ്ച് മൊജിറ്റോ റെഡി!
Say goodbye to the summer heat; make a refreshing 'Orange Mojito' at home!