എല്ലാ ഭക്ഷണങ്ങളും എല്ലായ്പ്പോഴും നല്ലതായിരിക്കണമെന്നില്ല. മഴക്കാലത്ത് ഒഴിവാക്കേണ്ട ചില ഭക്ഷണങ്ങളുണ്ട്. അവ ഏതൊക്കെയാണെന്ന് നോക്കിയാലോ… (Image Credit source: Getty Images) മഴക്കാലത്ത് ജങ്ക്ഫുഡുകളും പുറത്ത് നിന്നുള്ള ഭക്ഷണങ്ങളും കഴിക്കുന്നത് നല്ലതല്ല. മഴക്കാലത്ത് നമ്മുടെ ശരീരത്തിലെ ദഹനപ്രക്രിയ മന്ദഗതിയിലാകുകയും രോഗപ്രതിരോധ ശേഷി കുറയുകയും ചെയ്യാറുണ്ട്.അതുകൊണ്ട് ഈ വയറിളക്കം, ഫുഡ് പോയിസണിങ്, മറ്റ് ജലജന്യ രോഗങ്ങള്‍ എന്നിവയില്‍ നിന്ന് രക്ഷനേടാൻ ഇവ ഒഴിവാക്കേണ്ടതാണ്. മഴ സമയത്ത് അമിതമായി വറുത്തതും പൊരിച്ചതുമായ ഭക്ഷണങ്ങള്‍ കഴിക്കരുത്. ഇത് ദഹനക്കേടിന് കാരണമായേക്കാം. മഴക്കാലത്ത് ദഹനവ്യവസ്ഥ വളരെ ദുർബലമായിരിക്കും. എണ്ണമയമുള്ളതും മൈദ ചേർത്തതുമായ ഭക്ഷണങ്ങള്‍ ദഹിക്കാൻ കൂടുതല്‍ സമയമെടുത്തേക്കാം.
പച്ചക്കറികളും പഴങ്ങളും ആരോഗ്യത്തിന് നല്ലതാണെങ്കിലും മഴക്കാലത്ത് ഇവ സൂക്ഷിച്ച്‌ വേണം കഴിക്കാൻ. മഴസമയത്ത് ഈച്ചകളും ബാക്ടീരിയകളും മുറിച്ചുവെച്ച പഴങ്ങളില്‍ വേഗത്തില്‍ അടിഞ്ഞുകൂടും.അതിനാല്‍ നേരത്തെ മുറിച്ചുവെച്ചിരിക്കുന്നവ കഴിക്കരുത്. പച്ചക്കറികള്‍ നന്നായി തിളച്ച വെള്ളത്തില്‍ കഴുകി വൃത്തിയാക്കി ഉപയോഗിക്കുക. ഇലക്കറികളും കാബേജ്, കോളിഫ്ലവർ തുടങ്ങിയ പച്ചക്കറികളും സൂക്ഷിച്ചു വേണം കഴിക്കാൻ. കാബേജിന്റെയും കോളിഫ്ലവറിന്റെയും ഇലകള്‍ക്കിടയില്‍ ചെളിയും ഈർപ്പവും കാരണം ചെറിയ പുഴുക്കളും കീടങ്ങളും ഒളിച്ചിരിക്കാൻ സാധ്യതയുണ്ട്. മഴക്കാലത്ത് പരമാവധി വീട്ടില്‍ തന്നെ ഉണ്ടാക്കിയ ചൂടുള്ള ഭക്ഷണം മാത്രം കഴിക്കുക