ദുബായിലെ ദി കാർ സൂപ്പർ സ്റ്റോറില്‍ വീഡിയോ ഗ്രാഫർ ആയി ജോലി ചെയ്യുകയായിരുന്നു. ഇന്നലെ വൈകീട്ടോടെയാണ് അപകടം ഉണ്ടാകുന്നത്. ദുബായിലെ ശൈഖ് സായിദ് റോഡിലെ കാർ ഷോറൂമിലെ ഗ്യാസ് സിലിണ്ടർ ആണ് പൊട്ടിത്തെറിച്ചത്. ദുബായ് സിവില്‍ ഡിഫൻസാണ് ഇക്കാര്യം സ്ഥിരീകരിച്ചത്

അപകടവിവരം ലഭിച്ചയുടൻ സ്ഥലത്തെത്തിയ രക്ഷാസേന പരിക്കേറ്റവർക്ക് അടിയന്തര വൈദ്യസഹായം ലഭ്യമാക്കി. സ്ഫോടനത്തില്‍ ഗുരുതരമായി പരുക്കേറ്റ ഷിജിൻ ആശുപത്രിയില്‍ വെച്ചാണ് മരിച്ചത്. അപകടത്തില്‍ മറ്റൊരാള്‍കൂടി സംഭവസ്ഥലത്ത് വെച്ചുതന്നെ മരണപ്പെടുകയുണ്ടായി. എന്നാല്‍ ഇയാളെ തിരിച്ചറിയാനായിട്ടില്ല. അപകടത്തില്‍പ്പെട്ടവരുടെ പ്രാദേശികതയോ മറ്റ് വിവരങ്ങളോ ഇതുവരെ പുറത്തുവിട്ടിട്ടില്ല. പ്രാഥമിക അന്വേഷണത്തിന് ശേഷം കൂടുതല്‍ വിവരങ്ങള്‍ സിവില്‍ ഡിഫൻസ് വെളിപ്പെടുത്തും.

വേനല്‍ച്ചൂട് വർധിച്ചുവരുന്ന സാഹചര്യത്തില്‍ സിലിണ്ടറുകള്‍ സൂക്ഷിക്കുന്നതിലും കൈകാര്യം ചെയ്യുന്നതിലും കടുത്ത ജാഗ്രത പാലിക്കണമെന്ന് സുരക്ഷാ വിദഗ്ദ്ധർ നിരന്തരം മുന്നറിയിപ്പ് നല്‍കുന്നുണ്ട്.

Story Highlights : Malayali man dies tragically after gas cylinder explodes in Dubai