ചൈനീസ് പ്രസിഡന്റ് ഷി ജിൻപിങ്ങിന്റെ ഇന്ത്യ സന്ദർശനത്തിന് മുന്നോടിയായാണ് പ്രഖ്യാപനം. കഴിഞ്ഞ വർഷം ഒക്ടോബറില്‍ ഇൻഡിഗോ ഡല്‍ഹിയില്‍ നിന്ന് ഗ്വാങ്‌ജോയിലേക്ക് സർവീസുകള്‍ ആരംഭിച്ചിരുന്നു. ഇന്ത്യയ്ക്കും ചൈനയ്ക്കും ഇടയില്‍ നേരിട്ടുള്ള വിമാന സർവീസുകള്‍ പുനരാരംഭിക്കുന്നതിനെക്കുറിച്ച്‌ കഴിഞ്ഞവർഷം സമവായം ആയിരുന്നു.

ഈ സർവീസ് പുനരാരംഭിക്കുന്നതോടെ, ദക്ഷിണേഷ്യയിലെ എട്ട് റൂട്ടുകളിലായി കമ്പനിയുടെ ആകെ പ്രതിവാര സർവീസുകളുടെ എണ്ണം 100-ല്‍ അധികമാകുമെന്ന് എയർലൈൻ അറിയിച്ചു. 2026ല്‍ ഇരു രാജ്യങ്ങളും വ്യോമഗതാഗത ബന്ധം ഘട്ടംഘട്ടമായി പുനഃസ്ഥാപിച്ചുവരികയാണ്. ഗ്വാങ്‌ഷൂ-ന്യൂഡല്‍ഹി സർവീസ് ആറ് വർഷമായി നിർത്തിവെച്ചിരിക്കുകയായിരുന്നു. ഏപ്രിലില്‍ എയർ ചൈന ബീജിംഗ്-ഡല്‍ഹി സർവീസ് പുനരാരംഭിച്ചിരുന്നു.

ഇന്ത്യ-ചൈന ഉഭയകക്ഷി ചർച്ച; അഭിപ്രായവ്യത്യാസങ്ങള്‍ ഉചിതമായ രീതിയില്‍ പരിഹരിക്കണമെന്ന് ചൈന

ഏപ്രില്‍ 18 ന് കുൻമിംഗിനും കൊല്‍ക്കത്തയ്ക്കും ഇടയില്‍ ചൈന ഈസ്റ്റേണ്‍ എയർലൈൻസ് നേരിട്ട് വിമാന സർവീസുകള്‍ നടത്തുന്നുണ്ട്. മാർച്ച്‌ 30-ന് ഇന്ത്യൻ വിമാനക്കമ്പനിയായ ഇൻഡിഗോ ഒരു പ്രതിദിന നോണ്‍-സ്റ്റോപ്പ് സർവീസും ആരംഭിച്ചിരുന്നു. കോവിഡ്-19 മഹാമാരിയെ തുടർന്നും പിന്നീട് ഡോക്ലാം, ഗാല്‍വാൻ സംഘർഷങ്ങള്‍ക്ക് പിന്നാലെയുണ്ടായ ഇന്ത്യ-ചൈന ബന്ധത്തിലെ വിള്ളലിനെ തുടർന്നുമാണ് നേരിട്ടുള്ള വിമാന സർവീസുകള്‍ വലിയ തോതില്‍ നിലച്ചത്.

Story Highlights : China Southern to resume Guangzhou-Delhi flights after 6 years