വ്യാഴാഴ്ച വീഡിയോ കോണ്‍ഫറൻസിംഗിലൂടെ 'ഖേലോ ഇന്ത്യ ഡയലോഗ്' വേളയില്‍ കായികതാരങ്ങളുമായി സംസാരിക്കുകയായിരുന്നു പ്രധാനമന്ത്രി മോദി. ഖേലോ ഇന്ത്യ ഇന്ത്യയെയെ പുതിയ ഘട്ടത്തിലേക്ക് നയിക്കും. കൂടുതല്‍ കായിക ഇനങ്ങളില്‍ രാജ്യത്തിന്റെ സാന്നിധ്യം ശക്തമാക്കുകയാണ് ലക്ഷ്യം.

ഇന്ത്യ വലിയൊരു കായികരാജ്യമാകണമെങ്കില്‍ കുറച്ച്‌ ജനപ്രിയ കായിക ഇനങ്ങളില്‍ മാത്രം ഒതുങ്ങരുത്. രാജ്യത്തിന്റെ വിവിധ ഭാഗങ്ങളിലുള്ള കായിക പ്രതിഭകളെ കണ്ടെത്തി പരിശീലനം നല്‍കലാണ് സർക്കാർ ലക്ഷ്യം. സ്കൂള്‍, കോളജ് തലങ്ങളില്‍ നിന്ന് കൂടുതല്‍ കുട്ടികള്‍ കായികരംഗത്തേക്ക് എത്തി അന്താരാഷ്ട്ര മത്സരങ്ങളില്‍ സാന്നിധ്യം വർദ്ധിപ്പിക്കണം.ഇന്ന്, രാജ്യത്തുടനീളം - സ്പോർട്സ് യൂണിവേഴ്സിറ്റികള്‍ മുതല്‍ ആധുനിക പരിശീലന കേന്ദ്രങ്ങള്‍ വരെ ഒരു സംവിധാനം കെട്ടിപ്പടുക്കുകയാണ് അത് പ്രതിഭകളെ തിരിച്ചറിയുന്നത് മുതല്‍ ആഗോള വേദിയിലേക്ക് അവരെ എത്തിക്കുന്നത് വരെയുള്ള എല്ലാ ഘട്ടങ്ങളിലും പിന്തുണ നല്‍കുന്നു.

'ഖേലോ ഇന്ത്യ സംവാദ്' കേവലം കായികരംഗം ചർച്ച ചെയ്യുന്നതിനുള്ള ഒരു പരിപാടിയല്ല; ഓരോ ആശയത്തിനും കായികരംഗത്തെക്കുറിച്ചുള്ള രാജ്യത്തിന്റെ കാഴ്ചപ്പാടിന് ഒരു പുതിയ ദിശാബോധം നല്‍കാൻ കഴിയുന്ന സംഭാഷണത്തിനുള്ള ഒരു വേദിയാണിത്. കൂടാതെ, യുവാക്കളുമായുള്ള ഈ ഇടപെടല്‍ നിങ്ങളുടെ ആശയങ്ങളെയും അഭിലാഷങ്ങളെയും രാജ്യത്തിന്റെ സ്വപ്നങ്ങളുമായി പൊരുത്തപ്പെടുത്തുന്നതിനുള്ള ശക്തമായ ഒരു മാധ്യമമായി വർത്തിക്കുന്നുവെന്നും അദ്ദേഹം കൂട്ടിച്ചേർത്തു.

Story Highlights : pm modi govt committed to modern sports ecosystem for global glory