കൊച്ചി: ഓണാഘോഷങ്ങളോടൊപ്പം മലയാളികളുടെ മനസില്‍ പതിഞ്ഞ മാവേലിയുടെ കുടവയറിന് പുതിയൊരു ട്വിസ്റ്റുമായി ആശീർവാദ് ആട്ട.

ക്യാംപയിനെക്കുറിച്ച്‌ ഐടിസി ലിമിറ്റഡ് ഫുഡ്സ് ഡിവിഷൻ സ്റ്റേപ്പിള്‍സ് ബിസിനസ് യൂണിറ്റ് ചീഫ് എക്സിക്യൂട്ടീവ് അനൂജ് റുസ്തഗി പറഞ്ഞു: "കേരളത്തിന്റെ സംസ്കാരത്തില്‍ ആഴത്തില്‍ വേരൂന്നിയ ഓണത്തിലെ ഏറ്റവും പ്രിയപ്പെട്ട പ്രതീകങ്ങളിലൊന്നാണ് മാവേലി. 'ഫിറ്റ് മാവേലി'യിലൂടെ ഈ പരിചിത കഥാപാത്രത്തിന് രസകരമായൊരു സമകാലിക മുഖം നല്‍കാനാണ് ശ്രമിച്ചത്. കേരളത്തിലെ കൂടുതല്‍ വീടുകളില്‍ ആട്ടയും ചപ്പാത്തിയും ദൈനംദിന ഭക്ഷണത്തിന്റെ ഭാഗമാകുന്ന സാഹചര്യത്തിലാണ് ഈ ചിത്രം. പോഷകസമൃദ്ധമായ സമീകൃത ഭക്ഷണവും വ്യായാമവും ആരോഗ്യകരമായ ജീവിതശീലങ്ങളുടെ ഭാഗമാകുമ്പോഴും ഓണസദ്യയും പാരമ്പര്യങ്ങളും ആസ്വദിക്കാമെന്ന ലളിതമായ സന്ദേശമാണ് ചിത്രം നല്‍കുന്നത്."

കേരളത്തിലെ മാറിവരുന്ന ഭക്ഷണശീലങ്ങളെയും ക്യാംപയിൻ ചൂണ്ടിക്കാട്ടുന്നു. അരിക്കൊപ്പം ആട്ടയും ചപ്പാത്തിയും ഉള്‍പ്പെടുത്തുന്നത് ഭക്ഷണത്തില്‍ വൈവിധ്യവും ഫൈബറും മറ്റ് പോഷകങ്ങളും ഉറപ്പാക്കാൻ സഹായിക്കുമെന്ന് പോഷകാഹാര വിദഗ്ധർ പറയുന്നു.

കൊച്ചിയിലെ അപ്പോളോ അഡ്ലക്സ് ആശുപത്രിയിലെ ന്യൂട്രീഷൻ വിദഗ്ധ സ്വീറ്റി ഗോപി പറഞ്ഞു: "കേരളീയരുടെ ഭക്ഷണത്തില്‍ അരിക്ക് എന്നും പ്രധാന സ്ഥാനമുണ്ട്. എന്നാല്‍ ദൈനംദിന ഭക്ഷണത്തില്‍ കൂടുതല്‍ വൈവിധ്യം കൊണ്ടുവരാൻ ഉപഭോക്താക്കള്‍ ഇപ്പോള്‍ ശ്രമിക്കുന്നുണ്ട്. പച്ചക്കറികള്‍, പയർവർഗങ്ങള്‍, തൈര്, കൊഴുപ്പ് കുറഞ്ഞ പ്രോട്ടീൻ സമ്പന്നമായ ഭക്ഷണങ്ങള്‍ എന്നിവയ്ക്കൊപ്പം മുഴുവൻ ഗോതമ്പില്‍ നിന്നുള്ള ചപ്പാത്തി ഉള്‍പ്പെടുത്തുന്നത് ഫൈബറും മറ്റ് പോഷകങ്ങളും ലഭ്യമാക്കുന്നതിനുള്ള ലളിതമായ മാർഗമാണ്. ഭക്ഷണത്തിനൊപ്പം സ്ഥിരമായ ശാരീരിക പ്രവർത്തനം, ആവശ്യത്തിന് വെള്ളം കുടിക്കല്‍, ഭക്ഷണത്തിന്റെ അളവില്‍ ശ്രദ്ധ എന്നിവയും പ്രധാനമാണ്. ഓണസദ്യയുള്‍പ്പെടെയുള്ള പരമ്പരാഗത ഭക്ഷണങ്ങള്‍ ആസ്വദിക്കുന്നതിനൊപ്പം പിന്തുടരാവുന്ന ദൈനംദിന ശീലങ്ങളാണിവ."

സംസ്കാരവും നർമ്മവും മാറിവരുന്ന ഭക്ഷണശീലങ്ങളുമെല്ലാം സമന്വയിപ്പിച്ചാണ് ആശീര്‍വാദിന്റെ ഓണം ചിത്രം 'ഫിറ്റ് മാവേലി'യെ അവതരിപ്പിക്കുന്നത്. മാവേലി ഫിറ്റായാലും ഓണമെത്തുമ്പോള്‍ ഗംഭീരമായൊരു സദ്യയ്ക്ക് ഇടമുണ്ടെന്ന സന്ദേശത്തോടെയാണ് ചിത്രം അവസാനിക്കുന്നത്.

Story Highlights : aashirvad gives a fit twist mavelis potbelly