കണ്‍സേര്‍വേറ്റീവ് ആശയങ്ങളെ പല മേഖലകളില്‍ ശക്തിപ്പെടുത്തുന്നതിനായി മാറ്റിവച്ച 25 മില്യണ്‍ ഡോളറില്‍ നിന്നാണ് ഈ തുക മാറ്റിവയ്ക്കുക എന്നാണ് റിപ്പോര്‍ട്ട്. ട്രംപും വിവിധ യൂറോപ്യന്‍ ഭരണകൂടങ്ങളും നേതാക്കളും തമ്മിലുള്ള അഭിപ്രായ ഭിന്നതകള്‍ ശക്തമാകുന്നതിനിടെയാണ് യൂറോപ്പില്‍ വലതുപക്ഷ ആശയങ്ങള്‍ ശക്തിപ്പെടുത്താന്‍ മാധ്യമങ്ങളെ സഹായിക്കാന്‍ ട്രംപ് തയ്യാറെടുക്കുന്നത്. (Trump Plans $4 Million For Right-Wing Media In Europe: Report)

തങ്ങളുടെ ആഭ്യന്തര കാര്യങ്ങളില്‍ ട്രംപ് അനാവശ്യ ഇടപെടലുകള്‍ നടത്തുവെന്ന് അടക്കമുള്ള വിമര്‍ശനങ്ങളാണ് യൂറോപ്പിലെ വിവിധ സര്‍ക്കാരുകള്‍ ഉന്നയിക്കുന്നത്. ഇത് യൂറോപ്യന്‍ ജനതയ്ക്കിടയില്‍ ട്രംപിന്റെ പ്രതിച്ഛായ മോശമാക്കിയിട്ടുണ്ടെന്ന വിലയിരുത്തലിനെ തുടര്‍ന്നാണ് തീരുമാനമെന്നാണ് അന്താരാഷ്ട്ര മാധ്യമങ്ങളുടെ റിപ്പോര്‍ട്ടുകള്‍ പറയുന്നത്. വൈറ്റ് ഹൗസ് വൃത്തങ്ങളെ ഉദ്ധരിച്ചുകൊണ്ടാണ് റിപ്പോര്‍ട്ടുകള്‍.

ഹോര്‍മുസ് കടലിടുക്കില്‍ ഒമാന് സമീപം എണ്ണ ടാങ്കറിന് നേരെ മിസൈല്‍ ആക്രമണം

അറ്റ്‌ലാന്റിക് മേഖലയിലെ രാജ്യങ്ങള്‍ തമ്മിലുള്ള ബന്ധം ശക്തിപ്പെടുത്തുന്നതിനും അഭിപ്രായസ്വാതന്ത്ര്യം പ്രോത്സാഹിപ്പിക്കുന്നതിനുമായാണ് ഈ ഫണ്ട് അനുവദിക്കുന്നതെന്ന് യു.എസ്. സ്റ്റേറ്റ് ഡിപ്പാര്‍ട്ട്മെന്റിന്റെ ബ്യൂറോ ഓഫ് ഡെമോക്രസി, ഹ്യൂമന്‍ റൈറ്റ്സ് ആന്‍ഡ് ലേബര്‍ വിശദീകരിക്കുന്നു. വരും വര്‍ഷത്തില്‍ യൂറോപ്പില്‍ ചില നിര്‍ണായക തിരഞ്ഞെടുപ്പുകള്‍ നടക്കുന്ന പശ്ചാത്തലത്തിലും യൂറോപ്പിലെ പോപ്പുലിസ്റ്റ് വലതുപക്ഷ പാര്‍ട്ടികള്‍ക്ക് ട്രംപ് പരസ്യമായി പിന്തുണ അറിയിച്ച പശ്ചാത്തലത്തിലും മാധ്യമങ്ങളെ ഫണ്ട് ചെയ്യാനുള്ള ട്രംപിന്റെ ഈ നീക്കം നിര്‍ണായകമാണ്.

Story Highlights : Trump Plans $4 Million For Right-Wing Media In Europe: Report