Portugal vs Croatia Match
Portugal vs Croatia: റൗണ്ട് 32 വില് പോർച്ചുഗലിനോടു തോറ്റ് ക്രൊയേഷ്യ ലോകകപ്പില് നിന്ന് പുറത്ത്.ടൊറന്റോയില് നടന്ന മത്സരത്തില് അവസാന നിമിഷം വരെ ആവേശം അലതല്ലി. ആദ്യ പകുതിയില് ബോള് പൊസഷനിലും അവസരങ്ങള് സൃഷ്ടിക്കുന്നതിലും പോർച്ചുഗല് ആധിപത്യം പുലർത്തിയെങ്കിലും ഗോള് നേടാനായില്ല. രണ്ടാം പകുതിയുടെ 53-ാം മിനിറ്റില് ഇവാൻ പെരിസിച്ച് നേടിയ ഗോളിലൂടെ ക്രൊയേഷ്യയാണ് ആദ്യം ലീഡ് സ്വന്തമാക്കിയത്.
തുടർന്ന് ആക്രമണം ശക്തമാക്കിയ പോർച്ചുഗലിന് 68-ാം മിനിറ്റില് വാർ പരിശോധനയ്ക്ക് പിന്നാലെ ലഭിച്ച പെനാല്റ്റി നായകൻ ക്രിസ്റ്റ്യാനോ റൊണാള്ഡോ ലക്ഷ്യത്തിലെത്തിച്ചു. ലോകകപ്പിലെ നോക്കൗട്ട് ഘട്ടത്തില് ആദ്യമായാണ് റൊണാള്ഡോ ഗോള് നേടുന്നത്.
Ishan Kishan Runout: ബോള് ഫീല്ഡറുടെ കൈയില്; റിസ്ക്കെടുത്ത് വിക്കറ്റ് തുലച്ച് ഇഷാൻ, ചീത്തപറഞ്ഞ് അഭിഷേക് (വീഡിയോ)
മത്സരം അധികസമയത്തിലേക്ക് നീങ്ങുമെന്ന് തോന്നിച്ച ഘട്ടത്തില്, 90+4-ാം മിനിറ്റില് റഫേല് ലിയാവോയുടെ ക്രോസില് നിന്ന് ഗോണ്സാലോ റാമോസ് ഹെഡറിലൂടെ പോർച്ചുഗലിന്റെ രണ്ടാമത്തെ ഗോള് നേടി. ഇതോടെ പോർച്ചുഗല് 2-1ന്റെ വിജയവുമായി അവസാന 16-ലേക്ക് കടന്നു. അവസാന മിനിറ്റില് ക്രൊയേഷ്യ സമനില ഗോള് നേടിയെങ്കിലും വാർ പരിശോധനയില് അത് ഓഫ് സൈഡ് വിളിച്ചു.
ഈ വിജയത്തോടെ പോർച്ചുഗല് പ്രീക്വാർട്ടറില് സ്പെയിനിനെ നേരിടും. അതേസമയം, 40-കാരനായ ലൂക്ക മോഡ്രിച്ചിന്റെ ലോകകപ്പ് കരിയറിന് ഈ തോല്വിയോടെ വിരാമമാകുകയാണ്. 2018 ലോകകപ്പില് ക്രൊയേഷ്യ ഫൈനലില് എത്തിയിരുന്നെങ്കിലും കിരീടം നേടാൻ സാധിച്ചില്ല.