വൈകുന്നേരം 4:00 മണിക്ക് ബസേലിയോസ് കോളേജിന് സമീപത്തുനിന്ന് ആരംഭിക്കുന്ന സാംസ്കാരിക ഘോഷയാത്ര തിരുനക്കര മൈതാനത്ത് സമാപിക്കും. ഘോഷയാത്രയുടെ പശ്ചാത്തലത്തില്‍ കോട്ടയം നഗരത്തില്‍ പ്രത്യേക ഗതാഗത ക്രമീകരണങ്ങള്‍ ഏർപ്പെടുത്തിയതായി പൊലീസ് അറിയിച്ചു.

കെ.കെ. റോഡ് വഴി കഞ്ഞിക്കുഴി ഭാഗത്തുനിന്ന് ടൗണിലേക്ക് വരുന്ന വാഹനങ്ങള്‍ കളക്ടറേറ്റ് ജംഗ്ഷനില്‍നിന്ന് വലത്തോട്ട് തിരിഞ്ഞ് ശാസ്ത്രി റോഡ് വഴി പോകണം. പ്രൈവറ്റ് ബസ്സുകള്‍ ശാസ്ത്രി റോഡ് - കുര്യൻ ഉതുപ്പ് റോഡ് വഴി നാഗമ്പടം സ്റ്റാൻഡിലേക്ക് പോകേണ്ടതാണ്.റെയില്‍വേ സ്റ്റേഷനില്‍നിന്ന് നഗരത്തിലേക്ക് വരുന്ന പ്രൈവറ്റ് ബസുകള്‍ ഉള്‍പ്പെടെയുള്ള എല്ലാ വാഹനങ്ങളും ശാസ്ത്രി റോഡ് വഴി ശീമാട്ടി റൗണ്ടിലെത്തി യാത്ര തുടരണം.ഘോഷയാത്ര മനോരമ ജംഗ്ഷൻ കടന്നുപോകുന്ന സമയത്ത് ചെറിയ വാഹനങ്ങള്‍ മനോരമ ജംഗ്ഷനില്‍നിന്ന് തിരിഞ്ഞ് ഈരയില്‍ക്കടവ് ബൈപ്പാസ് റോഡ് വഴി തെക്കോട്ട് പോകേണ്ടതാണ്.