Prepare time: 10 MinutesCook: 15 MinutesReady in: 25 Minutes
Ingredients
- रवा - १ कप
- दही - ½ कप
- पोहे - ½ कप
- हिरवी मिरची - २
- आलं - १ छोटा तुकडा
- बेकिंग सोडा - ½ टीस्पून
- पाणी - आवश्यकतेनुसार
- तेल - डोसे भाजण्यासाठी
- मीठ - चवीनुसार
Directions
- सर्वप्रथम पोहे एका मोठ्या वाटीत घेऊन पाण्याने स्वच्छ धुवून घ्या.
- मिक्सरच्या भांड्यात रवा, भिजवलेले पोहे, दही, चवीनुसार मीठ आणि थोडे पाणी घालून घट्टसर आणि गुळगुळीत मिश्रण वाटून घ्या.
- तयार मिश्रण एका भांड्यात काढा. त्यात बारीक चिरलेली हिरवी मिरची आणि किसलेले आलं घालून व्यवस्थित मिक्स करा.
- तुम्हाला आवडत असल्यास या मिश्रणात बारीक चिरलेला कांदा, कोथिंबीर किंवा इतर भाज्याही घालू शकता.
- आता मिश्रणात आवश्यकतेनुसार थोडे पाणी घालून डोशाच्या पिठापेक्षा थोडे घट्टसर पीठ तयार करा.
- सगळ्यात शेवटी बेकिंग सोडा आणि अर्धा ग्लास पाणी घालून मिश्रण हलक्या हाताने व्यवस्थित मिक्स करा.
- फोडणीची छोटी वाटी किंवा जाडसर कढई मंद आचेवर गरम करून त्यात थोडे तेल सोडा.
- कढई गरम झाल्यावर त्यात एक ते दीड डाव तयार पीठ घाला. पीठ चमच्याने जास्त पसरवू नका; बन डोसा थोडा जाडसरच ठेवा.
- झाकण ठेवून मंद आचेवर डोसा शिजू द्या. खालची बाजू सोनेरी आणि कुरकुरीत झाली की डोसा सावधपणे उलटा.
- दुसरी बाजूही छान सोनेरी आणि कुरकुरीत होईपर्यंत भाजून घ्या.
- तयार बन डोसा तव्यावरून काढून गरमागरम सर्व्ह करा.
- हा कुरकुरीत बन डोसा नारळाची चटणी, सांबार किंवा तुमच्या आवडत्या चटणीसोबत सर्व्ह करा.