आजच्या फ्रेंडशिप डे निमित्त मैत्रीचा खरा अर्थ सांगणाऱ्या सदाबहार आणि सुपरहिट चित्रपटांवर एक नजर टाकूया,

बनवाबनवी - 1988 मध्ये आलेला हा चित्रपट आजही पाहायला कंटाळा येत नाही. यातही मैत्रीचा अनोखा बंध दिसतो.

धडाकेबाज - 1990 मध्ये आलेल्या या चित्रपटामध्ये हास्य, विनोदासोबत मैत्री अनुभवता येतो.

बिनधास्त - चंद्रकांत कुलकर्णी दिग्दर्शित हा चित्रपट दोन मैत्रिणींमधील घट्ट नाते आणि स्त्री-मैत्रीचे भावविश्व दाखवतो.

क्षणभर विश्रांती - चार मित्र सुट्ट्यांसाठी बाहेर जातात आणि तेथे चार मुलींच्या प्रेमात पडतात. या चित्रपटात प्रेमासोबत मैत्रीचे अनेक पदर उघडतात.

दुनियादारी - 2013 मध्ये आलेला हा चित्रपट कॉलेजच्या काळातील आणि खऱ्याखुऱ्या यारी-दोस्तीची परिभाषा सांगणारा एक मोठा ब्लॉकबस्टर चित्रपट आहे.

पछाडलेला - आपला मित्र कितीही संकटात असला तरी त्याला सर्वातोपरी मदत करत मैत्रीसाठी काहीपण करण्याची जिद्द या चित्रपटातून पाहायला मिळते.

फ्रेंड्स - मैत्री कशी असावी हे दाखवणारा चित्रपट म्हणजे मैत्री. हा चित्रपट पाहताना तुम्हाला तुमच्या मित्रमैत्रिणींसोबत घालवलेले क्षण नक्कीच आठवतील.

क्लासमेट्स - कॉलेजच्या दिवसांमधील मैत्री, कट्टा आणि त्यासोबत गुंफलेले रहस्य सांगणारा हा एक तरुणाईचा आवडता चित्रपट आहे. आज तुम्ही हा चित्रपट मित्रांसोबत नक्कीच पाहू शकता.

ये रे ये रे पैसा - मित्रांच्या ग्रुपमधील धमाल आणि आर्थिक अडचणींवर मात करतानाची गमतीशीर कथा या चित्रपटात पाहायला मिळते.

वजनदार - हा चित्रपट दोन मैत्रीणींच्या आयुष्यावर आणि त्यांच्या वजनाच्या समस्येवर आधारीत आहे. यात मैत्री आणि स्त्री सशक्तीकरणासारखे विषय हाताळले आहेत.

शोले - ये दोस्ती हम नहीं छोडेंगे या गाण्यामुळे अजरामर झालेली जय आणि वीरूची ऐतिहासिक मैत्री या चित्रपटात दिसते.

थ्री इडियट्स - अभियांत्रिकीच्या शिक्षणादरम्यान तीन मित्रांची घट्ट मैत्री आणि संकटात एकमेकांची साथ देण्याची सुंदर गोष्ट यात दाखवली आहे.

दिल चाहता है - तीन मित्रांच्या वेगवेगळ्या विचारांचा प्रवास आणि त्यांची कायम टिकणारी घट्ट मैत्री या चित्रपटात पाहायला मिळते.

जिंदगी ना मिलेगी दोबारा - स्पेनमधील सहलीच्या निमित्ताने स्वतःला शोधणारे आणि मैत्री घट्ट करणारे तीन मित्र.