Sunday, 19 Jan, 7.30 am आपलं व्यासपीठ

मुख्य पान
चित्र चारोळी ३८६

कडकडून पडली थंडी
सहन होईना गारवा
पेटवली शेकायला शेकोटी
सगेसंवगडी बोलवा
@ राधिका जाधव - अनपट

------------------

अगं वेडे थंडगार वारा
घेऊन आला हिवाळा खरा
बघ पेटवतो मी शेकोटीला
ये जवळी हितगूज करायला
©तुकाराम परसराम डोके पाटील

------------------

काळोखी पसरली चारही दिशांना
विखुरल्या लालरंगी अग्निज्वाळा
पळवुनी लावी हवेतील शीतलता
हीच तर शेकोटीची सारी किमया
@ मिलिंद कल्याणकर

------------------

आला थंडीचा महिना
उबदार शेकोटी पेटवली
गारठून गेलेल्या शरीराची
बोचरी थंडी हटविली
@ सौ शामल अविनाश कामत
वाशी नवी मुंबई

------------------

गारठून गेले गाव शहर
थंडीचा झाला कहर
शेकोटीचा घेऊ आधार
मात करू थंडीवर
©® सुरेखा मालवणकर

------------------

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Aapla Vyaaspith
Top