Foreignchi Patlin: मराठी मनोरंजनसृष्टीत असे अनेक चित्रपट आहेत जे आजही आवडीने पाहिले जातात. 2008 मध्ये प्रदर्शित झालेला 'फॉरेनची पाटलीण' (Foreignchi Patlin) या भन्नाट मराठी चित्रपटाला तब्बल 18 वर्षांनंतरही तेवढीच क्रेझ आहे.

या चित्रपटात तांदूळवाडी नावाच्या एका छोट्याशा मागासलेल्या खेड्यातील सरपंचाचा फॉरेनला शिकायला गेलेला मुलगा गावी येतो तो आपल्या बायकोला घेऊनच. जेनिफर नावाची ही तरुणी महाराष्ट्राच्या या सरपंचाच्या मुलाच्या रामच्या प्रेमात पडते आणि लग्न करून त्याच्या गावी येते. गावी आल्यावर जेनिफरची जानकी पाटील होते. पण इंग्रजी सुनेला स्विकारताना मराठी सासूची होणारी चिडचिड, त्रागा आणि कसरत पाहणं प्रचंड मनोरंजक आहे.

अठरा वर्षांपूर्वी येऊन गेलेला फॉरेनची पाटलीन हा सिनेमा प्रेक्षकांनी अक्षरशः डोक्यावर घेतला होता. लोक आजही हा चित्रपट तेवढ्याच आवडीने पाहतात. या चित्रपटातील सर्वच पात्र प्रेक्षकांच्या पसंतीस उतरली. पण या चित्रपटातली 'फॉरेनची पाटलीन ' म्हणजेच जेनिफर उर्फ जेनीच्या चित्रपटातील अभिनयाचं सगळीकडे कौतुक झालं. भारतीय नसूनही चित्रपटात तिने उत्तम मराठी बोलत महाराष्ट्रीयन राहणीमान आणि वागण्या बोलण्याच्या पद्धती शिकून घेतल्याचं दिसतं. पण तुम्हाला माहिती ही जेनी नेमकी कोण आहे ? आणि ती काय करते ?

फॉरेनची पाटलीण चित्रपटातील अभिनेत्री नेमकी कोण?

जेनिफर हे पात्र साकारणाऱ्या या अभिनेत्रीचं खरं नाव बिलियाना रॅडोणीक असं आहे. मूळची युरोपमधील क्रोएटियामधील या तरुणीने इंटरनॅशनल अफेयर्समध्ये पदव्युत्तर शिक्षण घेतलेलं. बिलियानाचं बालपण काहीसं खडतर होतं. युरोपमधील तणावाने तिला आणि तिच्या कुटुंबीयांना चरबी यामध्ये जाऊन निर्वासित म्हणून राहावं लागलं. पण त्यातूनही धीर न सोडता तिने तिचं शिक्षण पूर्ण केलं. आयुष्यातील काही घटनांमुळे ती अध्यात्माकडे वळली. नंतर योगा शिकून योगा इन्स्ट्रक्टर बनली. 2007 ते 2008 दरम्यान की अभिनेत्री भारतात तिच्या प्रोजेक्टच्या एका अभ्यासासाठी आली होती. त्यावेळी फॉरेनची पाटलीन चित्रपटाचीच तयारी सुरू होती. त्यावेळी दिग्दर्शक प्रदीप यांनी परदेशी मुलीचा रोल करण्यासाठी बलियानाची निवड केली. बिलियाना मुळात अभिनय क्षेत्रातले नव्हती ,पण हौस म्हणून तिने ऑडिशन दिली आणि तिची निवड झाली.

योग गुरूशी ओळख, लग्न

Author : abp majha web team