मात्र, सकाळी साडेआठ वाजता नेपाळ-चीन बॉर्डरवर असलेल्या कस्टम आणि इमिग्रेशन इमारतीजवळ ते सर्व पर्यटक पोहोचल्यावर ही महाप्रलयाची दुर्दैवी दुर्घटना घडली. यावेळी डोंगराचा मोठ्या प्रमाणात ढिगारा, चिखल आणि माती इमारतीवर पडल्यामुळे हे सर्व पर्यटक 40 ते 50 फूट खाली दबले गेल्याची शंका व्यक्त होत आहे.

नेपाळ सरकारकडून आता या पर्यटकांच्या कुटुंबीयांना माहिती देण्यात आली आहे की, नेपाळ सरकार सध्या घटनास्थळी पोहोचू शकत नाही. नेपाळ-चीन सीमेजवळ घडलेल्या दुर्घटनेमुळे 90 किलोमीटर रस्त्यावर मोठ्या प्रमाणात चिखल, माती आणि दगडांचा ढिगारा असल्यामुळे पर्यटकांना शोधण्यात मोठी अडचण होत आहे. त्या इमारतीजवळ फक्त हेलिकॉप्टरने सर्च ऑपरेशन करता येते. मात्र, तो एवढा मोठा ढिगारा असल्यामुळे त्याला साईडला करता येत नसल्याची मोठी अडचण नेपाळ सरकारसमोर निर्माण झाली आहे.

नेपाळ सरकारकडून या भारतीय पर्यटकांच्या कुटुंबियांना काही दिवस थांबण्यासाठी सूचना देण्यात आल्या आहेत. त्याअगोदर भारतामध्ये लोकल पोलीस स्टेशनमध्ये पर्यटक हरवल्याच्या तक्रारी नोंदवायच्या सूचना देखील नेपाळ सरकारकडून भारतीय दुतावासाला देण्यात आल्या आहेत. नेपाळ सरकारच्या सूचना ऐकल्यानंतर या पर्यटकांच्या कुटुंबासमोर मोठा दुःखाच्या डोंगर कोसळला आहे.

40 ते 50 फूट खाली दबले गेले असावेत

दरम्यान, ज्या ठिकाणी नेपाळ आणि चीन सीमेवर इमिग्रेशन आणि कस्टमच्या इमारती आहेत, त्यावर मोठ्या प्रमाणात डोंगराचा भाग आणि माती चिखल आल्यामुळे इमारत दबली गेली आहे, हे सर्व पर्यटक 40 ते 50 फूट खाली दबले गेले आहेत, अशी माहिती देण्यात येत आहे. येथील 90 किलोमीटर रस्ता चिखलामध्ये असल्यामुळे त्या ठिकाणी पोहोचण्यास अशक्यप्राय बाब आहे. मोठ्या प्रमाणात चिखल असल्यामुळे त्याला बाजूला काढणे शक्य होणार नसल्याचं नेपाळ सरकारचं मत आहे.