Prathamesh Parab On Samir Choughule: 'महाराष्ट्राची हास्यजत्रा' (Maharashtrachi Hasyajatra) टेलिव्हिजनवरचा (Television Show) अत्यंत लोकप्रिय कार्यक्रम सध्या घराघरांत पोहोचला आहे.

"तेव्हा आम्ही त्यांच्याबद्दल ऐकायचो, त्यांचं काम बघायचो आणि नंतर मला समीरदादाबरोबर 'बिनधास्त पाहा' हे नाटक करायला मिळालं, ही माझ्यासाठी खूप मोठी गोष्ट होती. त्यातला तो काठीचा सीन, आम्ही तो प्रेक्षकांमध्ये बसून नाही, तर विंगमध्ये उभं राहून बघायचो. समीरदादा तो सीन परफॉर्म करायचा आणि आम्ही बाजूला उभं राहून अक्षरशः त्याचा आनंद घ्यायचो आणि त्याच वेळी खूप काही शिकायचो. आज इतक्या वर्षांनी 'सम्या सम्या मैफिलीत माझ्या' हा अडीच तासांचा परफॉर्मन्स बघताना त्या सगळ्या आठवणी पुन्हा डोळ्यांसमोर आल्या...", असं अभिनेता प्रथमेश परब म्हणालाय.

त्यांचं काम बघताना फक्त हसू येत नाही, तर एका कलाकारानं स्वतःला इतकी वर्ष घडवत नेलंय, याचा अभिमानही वाटतो : प्रथमेश परब

प्रथमेश परबनं पुढे लिहिलंय की, "गेली 25-30 वर्ष हा माणूस विनोद निर्माण करतोय, लिहितोय, परफॉर्म करतोय आणि त्या सगळ्या वर्षांची मेहनत आज त्यांच्या सहजतेत, दिसते. त्यांचं काम बघताना फक्त हसू येत नाही, तर एका कलाकारानं स्वतःला इतकी वर्ष घडवत नेलंय, याचा अभिमानही वाटतो. आपण जेव्हा सुरुवात करतो, तेव्हा काही नावं आपल्या डोळ्यांसमोर असतात. आपण त्यांच्याबरोबर काम केलेलं नसतं; पण त्यांचा प्रवास कुठेतरी आपल्याला प्रेरित करीत असतो. समीरदादा माझ्यासाठी त्यातलं एक नाव आहे..."

"सगळ्यात मोठी गोष्ट म्हणजे, तो आपल्या डहाणूकरचा आहे. काल प्रेक्षक म्हणून खूप हसलो; पण आतून एकच भावना होती की, हा आपला माणूस आहे आणि किती भारी काम करतोय. समीरदादा, खूप प्रेम, खूप आदर आणि खूप अभिमान. असंच काम करीत राहा आणि आम्हाला प्रेरित करत राहा. डहाणूकरचा आमचा सुपरस्टार आहे. फोटो काढताना सगळे त्याला म्हणत होते की, तू सेंटरला उभा राहा; पण दादाला मात्र माझ्याच बाजूला उभं राहायचं होतं. खूप प्रेम", असं म्हणत प्रथमेश परब यानं समीर चौघुलेंबाबत प्रेम आणि आदर व्यक्त केलाय.

Aarti Solanki Post On Balancing Ganesh Idols: 'बॅलेन्सिंग मूर्तीच्या नावाखाली गणपती बाप्पाला हवेत लटकवून ठेवणं हे योग्य आहे?'; मराठी अभिनेत्रीची पोस्ट VIRAL, उदाहरण देत म्हणाली...

Author : एबीपी माझा एंटरटेनमेंट डेस्क