Pune Nasrapur Girl Case : पुण्यातील भोर जिल्ह्यातील नसरापूरमध्ये घडलेल्या अत्याचाराच्या घटनेनं राज्य हादरलं, ही संतापजनक घटना जेव्हा समोर आली तेव्हा (Pune Crime News) या आरोपीबाबत देखील धक्कादायक माहिती समोर येऊ लागली.

एका साडेतीन चार वर्षाच्या चिमुकलीवर 65 वर्षाच्या व्यक्तीने अत्याचार (Pune Crime News) करून तिला निर्घृणपणे संपवल्याचा प्रकार समोर आला होता. त्यानंतर आरोपी नराधमाचे आधीचे काळे कारनामे समोर आले आहेत. नराधम आरोपीवरती 1998 मध्ये पहिला गुन्हा नोंद करण्यात आला होता. त्यावेळी त्याची सुटका करण्यात आली होती. अशातच पहिल्या केसमधील आरोपीविरुद्ध जबाब देणाऱ्या व्यक्तीने त्या घटनेचा धक्कादायक खुलासा केला आहे.(Pune Nasrapur Girl Case)

नराधम आरोपीच्या पहिल्या केसमधील साक्षीदार व्यक्तीने सांगितलं की, मी त्याच्या पहिल्या केसमध्ये साक्षीदार होतो. मी त्यावेळी कामाला गेलो होतो. रात्री साडेनऊ दहाच्या आसपास मी घरी परत आलो. त्यावेळी तिथे राहणारी एक म्हातारी आजी कशाला तरी बाहेर गेली होती. त्याचा फायदा घेऊन हा आरोपी मोरीत जाऊन लपला. तिथं तो दबा धरून बसला. सगळी वस्ती सामसूम झाल्यानंतर नराधमाने डाव साधला अन् कोयत्याचा धाक दाखवून त्याने त्या वृध्द महिलेवर अत्याचार केला. रात्रीच्या दोन वाजता ही घटना घडली होती, असं कोर्टातील साक्षीदारने सांगितलं.

म्हाताऱ्या आजीसोब नको नको ते केलं,तिचे हाल केले. ती म्हातारी व्यक्ती लाजेनं शर्मेने आम्हाला काहीच बोलली नाही ती तिच्या लेकीकडे निघून गेली. तिच्या जावयाने हे प्रकरण हाताशी घेतलं आणि पोलिसात गुन्हा नोंदवला होता, असं कोर्टातील साक्षीदारने म्हटलं आहे. एका मुक्त पत्रकाराला मुलाखत देताना पहिल्या केसमध्ये साक्षीदाराने अंगावर काटा आणणारा प्रसंग सांगितला आहे.

म्हातारीच्या जावयाने गावात त्याला हकलून लावायचा प्रस्ताव देखील ठेवला होता. कोयत्याचा धाक दाखवून त्याने हे कृत्य केलं. त्याला त्याचा आत्मा शांत करायचा होता. त्यामुळे त्याने असं कार्य केलं. आजीचं वय त्यावेळी 60 - 65 वर्ष होतं, असंही कोर्टातील साक्षीदारने यावेळी सांगितलं. पोलिसांना कोर्टात ठोस पुरावे सादर न करता आल्याने त्याची त्यावेळी सुटका झाली होती, असंही माहिती देखील गावकऱ्यांनी यावेळी दिली. तर जेव्हा पहिल्या प्रकरणात पोलिस घटनास्थळी तपास करायला आले होते, तेव्हा त्यांना तिथे रक्त पडलेलं दिसलं होतं, असंही त्या साक्षीदाराने सांगितलं.