Rinku Rajguru Akash Thosar: मराठी मनोरंजनसृष्टीतला ' सैराट' चित्रपट प्रचंड लोकप्रिय ठरला. नागराज मंजुळे दिग्दर्शित या चित्रपटातून अभिनेत्री रिंकू राजगुरू आणि अभिनेता आकाश ठोसर यांची जोडी महाराष्ट्रातील घराघरात पोहोचली.

अजूनही रिंकू आणि आकाशची जोडी एकत्र आली की प्रेक्षकांचे लक्ष वेधून घेते. चित्रपटाला 10 वर्ष होऊन गेली असली तरी दोघांमधील केमिस्ट्रीची एकच चर्चा रंगते. काही दिवसांपूर्वी एका कार्यक्रमात रिंकू आणि आकाश यांनी एकत्र पोज दिल्याने त्यांच्या डेटिंगच्या चर्चांना उधाण आलं होतं.

रिंकू आणि आकाश रिलेशनशिपमध्ये ?

रिंकूला अनेकदा हा प्रश्न विचारण्यात येतो. अलीकडेच तिने सोशल मीडियावर चाहत्यांच्या प्रश्नांची उत्तरे दिली. यात तिला आकाशसोबत नात्यात आहेस का? असा प्रश्न विचारला होता. त्यावर तिने आम्ही फक्त चांगले मित्र आहोत असं उत्तर दिलं . पण आणखी एका प्रश्नाला तिनं 'मी तयार आहे आकाशला विचारायला हवं ' असं उत्तर दिल्याने चाहत्यांच्या भुवया उंचावल्या.

'मी तयार आहे, आकाशला विचारायला हवं'

सैराट चित्रपटानंतर रिंकू राजगुरुने झिम्मा 2, पुन्हा एकदा साडे माडे तीन, खिल्लार, आशा, कागर अशा अनेक चित्रपटांमध्ये ती दिसली. हिंदी वेब सिरीज ही तिने केल्या. तर आकाश ठोसर याने FU, लस्ट स्टोरीज, घर बंदूक बिर्याणी, या वेब सिरीज-चित्रपटांमध्ये दिसला. 2023 नंतर आकाशचा एकही सिनेमा आला नाही. शिवाय आकाश आणि रिंकू ने सैराट नंतर नागराज मंजुळे यांचा 'झुंड' सिनेमात छोटी भूमिका केली होती. मात्र या सिनेमानंतर ते पुन्हा एकत्र दिसले नाहीत.

Author : abp majha web team