वैदिक ज्योतिषशास्त्रामध्ये शनिला विशेष महत्त्व आहे, कारण तो सर्व ग्रहांमध्ये सर्वात संथ गतीने फिरणारा ग्रह आहे. ज्यांच्या कुंडलीत शनि कमजोर असतो, त्यांना अनेक अडचणींचा सामना करावा लागतो, तर ज्यांच्या कुंडलीत शनी बलवान असतो, त्यांना सर्व प्रकारच्या सुखसोयी आणि ऐश्वर्य प्राप्त होते

29 मार्च 2025 पासून शनि मीन राशीत भ्रमण करत आहे, ज्यामुळे काही राशींमध्ये शनिची साडेसाती आणि ढैय्या सुरू झाली आहे. या काळात अनेक खबरदारी घेणे आवश्यक आहे.

शनीच्या साडेसाती किंवा ढैय्या काळात असलेल्या व्यक्तींनी साधे जीवन जगावे. अशा लोकांनी मांस आणि मद्यपान टाळावे. अशा परिस्थितीत मांस आणि मद्यपान केल्यास शनिदेवाचा कोप ओढवून घ्यावा लागतो.

- शनीच्या अशुभ प्रभावांपासून वाचण्यासाठी, असहाय्य प्राण्यांना कधीही त्रास देऊ नये.

- जे लोक वारंवार खोटे बोलतात आणि इतरांशी वाद घालतात, त्यांच्यावर शनिदेव क्रोधित होतात.

- शनीच्या साडेसाती किंवा ढैय्याच्या प्रभावाखाली असलेल्यांनी शनिवार आणि मंगळवारी काळे कपडे किंवा चामड्याच्या वस्तू खरेदी करणे टाळावे. त्याऐवजी, या दिवशी तेल, गूळ, लोखंड आणि काळे तीळ दान करणे शुभ मानले जाते.

- मजूर, गरीब किंवा स्वच्छता कर्मचाऱ्यांविरुद्ध कधीही अपमानास्पद भाषा वापरू नये. जे मजुरांचा अपमान करतात किंवा त्यांना शिवीगाळ करतात, त्यांना शनिदेव नक्कीच शिक्षा देतील.

- शनीच्या साडेसाती किंवा ढैय्याच्या प्रभावाखाली असलेल्यांनी आपल्या आरोग्याकडे विशेष लक्ष द्यावे. अशा परिस्थितीत तुम्ही शांतता, संयम आणि सेवेची भावना राखल्यास, शनिदेव तुम्हाला नक्कीच आशीर्वाद देतील.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)