आरसीबीकडून फिलिप सॉल्ट आणि विराट कोहली यांनी डावाची सुरुवात केली. सॉल्टने 30 चेंडूत 46 धावा केल्या, तर विराटने 18 चेंडूत 28 धावांचे योगदान दिले.

देवदत्त पडिक्कलने 29 चेंडूत 5 चौकार आणि 2 षटकारांच्या मदतीने 50 धावांची महत्त्वपूर्ण खेळी खेळली.

कर्णधार रजत पाटीदारने 19 चेंडूत 48 धावा ठोकल्या. पाटीदारने आपल्या खेळीत 6 षटकार मारत स्टेडियममधील प्रेक्षकांचे मनोरंजन केले.

आरसीबीच्या डावाचे मुख्य आकर्षण ठरला तो म्हणजे टिम डेव्हिड. त्याने गोलंदाजांचे अक्षरश: कंबरडे मोडले.

डेव्हिडने अवघ्या 25 चेंडूंमध्ये 70 धावांची नाबाद आणि स्फोटक खेळी खेळली.

यामध्ये त्याने 8 गगनचुंबी षटकार आणि 3 चौकार लगावले. त्याचा स्ट्राईक रेट तब्बल 280 इतका होता.

आरसीबीच्या फलंदाजांनी एकूण 19 षटकार आणि 14 चौकारांच्या मदतीने त्यांनी 250 धावांचा टप्पा गाठला,

आता चेन्नई सुपर किंग्स संघासमोर विजयासाठी 251 धावांचे कठीण आव्हान आहे.