5 Story Building Collapses in Delhi: दिल्लीच्या साकेत परिसरात पाच मजली इमारत कोसळल्याचा व्हिडिओ रविवारी समोर आला. काल (30 मे) संध्याकाळी झालेल्या या अपघातात सहा जणांचा मृत्यू झाला.
पोलिस आणि बचाव पथकांनी ढिगाऱ्याखाली गाडल्या गेलेल्या 12 जणांना बाहेर काढले. यापैकी 10 जखमींना एम्स ट्रॉमा सेंटरमध्ये दाखल करण्यात आले. दोघांची प्रकृती गंभीर आहे.
अनेक विद्यार्थी ढिगाऱ्याखाली अडकले
दक्षिण दिल्ली जिल्ह्याचे डीसीपी अनंत मित्तल यांनी सांगितले की, इमारत कोसळलेली जागा वैद्यकीय विद्यार्थ्यांची कॅन्टीन होती, त्यामुळे अनेक विद्यार्थी ढिगाऱ्याखाली अडकले. जखमींना रुग्णालयात (5 Story Building Collapses in Delhi) त्वरित पोहोचवण्यासाठी ग्रीन कॉरिडॉर तयार करण्यात आला आहे. एनडीआरएफ, डीडीएमए, अग्निशमन दल आणि दिल्ली पोलिस संयुक्तपणे मदत आणि बचाव कार्य करत आहेत.
जबाबदार अधिकाऱ्यांवर कारवाई केली जाईल
दिल्लीच्या मुख्यमंत्री रेखा गुप्ता यांनी घटनास्थळाला भेट दिली. त्यांनी सांगितले की, बेकायदेशीर बांधकामात सहभागी असलेल्यांवर आणि अशा बांधकामांना परवानगी देणाऱ्या अधिकाऱ्यांवर कठोर कारवाई केली जाईल. रेखा गुप्ता यांनी पत्रकारांना सांगितले, "अशा सर्व अनधिकृत इमारती आणि जबाबदार अधिकाऱ्यांवर कारवाई केली जाईल."
दूरदर्शन इमारतीचा दगड कोसळला
दिल्लीतील टिळक मार्ग पोलीस ठाण्याच्या हद्दीतील दूरदर्शन इमारतीवरून दगड कोसळल्याने आज एक तरुण गंभीर जखमी झाला. जखमी तरुणाला रुग्णालयात दाखल करण्यात आले असून त्याची प्रकृती चिंताजनक आहे. जखमी तरुणाची ओळख नीरज कुमार (35) अशी पटली आहे.
जुलै 2025: दिल्लीत चार मजली इमारत कोसळून 6 जणांचा मृत्यू
दिल्लीच्या वेलकम परिसरात चार मजली इमारत कोसळून सहा जणांचा मृत्यू झाला. एका वर्षाच्या मुलासह आठ जण जखमी झाले. या इमारतीत 10 जणांचे कुटुंब राहत होते.
एप्रिल 2025: महिनाभरापूर्वी इमारत कोसळून 11 जणांचा मृत्यू
18 एप्रिल रोजी पहाटे दिल्लीच्या मुस्तफाबाद परिसरात चार मजली इमारत कोसळली. या दुर्घटनेत अकरा जणांचा मृत्यू झाला. 20 वर्षे जुनी इमारत कोसळल्यानंतर 12 तासांहून अधिक काळ बचावकार्य सुरू होते. पोलिसांच्या माहितीनुसार, त्या इमारतीत 22 लोक राहत होते.
इतर महत्वाच्या बातम्या
Author : जयदीप मेढे