Vinesh Phogat Asian Games Selection Trials : भारतीय महिला कुस्तीपटू विनेश फोगाट (Vinesh Phogat) हिने आशियाई क्रीडा स्पर्धेच्या निवड चाचण्यांमध्ये शानदार सुरुवात करत पहिल्याच सामन्यात ज्योतीचा 7-1 अशा फरकाने पराभव केला.

दीर्घ काळानंतर स्पर्धात्मक कुस्तीमध्ये पुनरागमन करत असलेल्या विनेशकडे सर्वांचे लक्ष लागले होते आणि तिने आपल्या अनुभवाच्या जोरावर विजय मिळवत पुढील फेरीत प्रवेश केला.

आशियाई क्रीडा स्पर्धेच्या ट्रायलमध्ये विनेश फोगाटचा एकतर्फी विजय (Vinesh Phogat Asian Games Selection Trials)

सामन्याच्या सुरुवातीला विनेश काहीशी सावध दिसत होती. तिने प्रतिस्पर्ध्याचा अंदाज घेत उभी राहून खेळावर नियंत्रण ठेवण्याचा प्रयत्न केला. सुरुवातीच्या काही मिनिटांत दोन्ही खेळाडूंमध्ये चुरशीची झुंज पाहायला मिळाली. मात्र, विनेशने नंतर 'पुश पॉइंट' मिळवत खाते उघडले. त्यानंतर तिने प्रतिस्पर्ध्याच्या दोन्ही पायांवर आक्रमण करण्याचा प्रयत्न केला, पण त्यातून तिला गुण मिळवता आले नाहीत.

दुसऱ्या पीरियडमध्ये मात्र विनेशने आपली लय पकडली. क्लॉकवर ठेवण्यात आल्यानंतर तिने अधिक आक्रमक भूमिका घेतली. उजव्या पायावर अचूक हल्ला करत ज्योतीला खाली पाडले आणि 3-0 अशी आघाडी घेतली. ज्योतीनेही पुनरागमनाचा प्रयत्न करत विनेशच्या पायावर हल्ला चढवला, मात्र अनुभवी विनेशने तो डाव सहज हाणून पाडला. त्यानंतर तिने वेगवान आणि अचूक चालींचा वापर करत सलग गुण मिळवले आणि स्कोअर 7-0 असा केला. अखेरीस ज्योतीला एक पुशआऊट गुण मिळाला, पण तोपर्यंत सामना विनेशने जिंकला होता.

वजन करताना पुन्हा हाय व्होल्टेज ड्रामा (Vinesh Phogat Asian Games Trials)