फॅक्टशीट म्हणजे एक रिपोर्ट असतो जो प्रत्येक म्युच्युअल फंड दर महिन्याला प्रकाशित करतात.

यामध्ये आदल्या महिन्यात झालेल्या कर्जरोखे आणि समभाग बाजारातील बदलाचा आढावा दिलेला असतो.

जिथे फंड मॅनेजर आपल्याला विदेशी तसेच भारतातील घडामोडींचे विश्लेषण करून त्याचा नजीकच्या काळात म्युच्युअल फंडावर काय परिणाम होईल त्याबद्दल माहिती देतो.

त्यानंतर फॅक्टशीटमध्ये सर्व योजनांची पूर्ण विस्तृत माहिती दिलेली असते, त्यात मूलभूत माहिती जसे कमीतकमी गुंतवणूक करायची रक्कम किती, योजनेचे गुंतवणूक उद्देश काय आहे, एन्ट्री आणि एक्झिट लोड काय आहे, योजनेमध्ये कोणती वेगवेगळे पर्याय आहेत, त्यांची आदल्या महिन्याच्या शेवटची मालमत्ता मूल्य (नाव) काय होती. त्याचबरोबर प्रत्येक योजनेच्या फंड मॅनेजरचे नाव व त्याची माहिती दिलेली असते.

म्युच्युअल फंडाच्या योजनेचा रीस्को मीटर हा एक योजनेचा महत्वाचा भाग आहे. सेबीने हे रीस्को मीटर अशासाठी बनवले आहेत की जेणेकरून गुंतवणूकदारांना त्या योजनेची बाजारातील जोखीम कोणत्या प्रकारची आहे त्याची माहिती मिळते त्यामुळे गुंतवणूकदार स्वतःच्या जोखीम घेण्याच्या क्षमतेनुसार योग्य त्या योजनेची निवड करू शकतो.

फॅक्टशीटमध्ये फंड मॅनेजरने गुंतवणूक केलेल्या सर्व कर्जरोखे व समभागाची पूर्ण माहिती दिलेली असते. त्याला योजनेचा गुंतवणूक पोर्टफोलिओ म्हणतात.

फंड मॅनेजरचा कारभार हा पूर्णपणे पारदर्शक असतो. सेबीने आखून दिलेल्या नियमानुसार फॅक्टशीटमध्ये योजनेची मागील कामगिरी जी वेगवेगळ्या कालावधीचा, अगदी योजना सुरु झाल्यापासूनचा दिलेला असतो ज्यावरून गुंतवणूकदारांना आपला गुंतवणुकीचा निर्णय घेणं सोपं जातं. इतरही बरीच माहिती ह्या फॅक्टशीटमध्ये दिलेली असते.

म्युच्युअल फंडाच्या वेबसाईटवर आपल्याला फॅक्टशीट पाहायला मिळू शकते.