मुंबई : सायन-पनवेल मार्गावर झालेल्या भीषण वाहतूक कोंडीमुळे बुधवारी रात्री वाहनचालकांना मोठा त्रास सहन करावा लागला. या कोंडीत अभिनेत्री सोनाली कुलकर्णी या देखील तब्बल पाच तास अडकल्या होत्या.
मानखुर्द मार्गे पुण्याकडे जात असताना त्या कोंडीत अडकल्या. त्यांनी रात्री अकराच्या सुमारास सोशल मीडियावर व्हिडिओ शेअर करत आपली व्यथा मांडली. "गेल्या पाच तासांपासून मानखुर्दमध्ये अडकले आहे. पोलिसांनी संयम ठेवण्यास सांगितले, मात्र कोंडी कधी सुटेल याची माहिती नाही. भूक लागली असून खायला काही मिळत नाही, महिलांचीही मोठी गैरसोय झाली," असे त्यांनी सांगितले.