कार्यक्रमास जिल्हा परिषद सदस्य सविता ताई पुराम,देवरी पंचायत समिती सदस्य वैशालीताई पंधरे,ग्राम डोंगरगावचे सरपंच सुरेंद्रजी परतेती यांच्या उपस्थितीत आयुर्वेदीक दवाखाना डोंगरगाव येथे 'जागतिक ज्येष्ठ नागरिक दिनाच्या निमित्ताने कार्यक्षेत्रातील ८० हून अधिक ज्येष्ठ नागरिकांची आरोग्य तपासणी करण्यात आल्याची माहीती तेथील वैद्यकीय अधिकारी डॉ.सुजाता ताराम यांनी दिली आहे. शिबीराप्रसंगी ज्येष्ठ नागरिकांचे रक्तदाब, रक्तातील साखर आणि वजन व बीएमआय तपासणी सोबत नियमित योगाभ्यास, मानसिक आरोग्य, संतुलित आहार आणि निरोगी जीवनशैली याबाबत मार्गदर्शन करण्यात आले.

ज्येष्ठ नागरिक आरोग्य तपासणी शिबीराप्रसंगी वैद्यकीय अधिकारी डॉ.सुजाता ताराम,आरोग्य सेविका सिमा झलके व माधुरी वैद्य,आरोग्य सेवक संतोष मोरे व गणेश नागरे,अंशकालीन स्त्री परिचर हेमलता यटेरे व योग शिक्षिका अनिता तुप्पट यांनी आरोग्य सेवा प्रदान केली.

शिबीरा दरम्यान समाज कल्याण गोंदिया तालुका समन्वयक निवास शहारे,आई देवमोगरा महिला मंडळ संस्थेचे प्रतिनिधी सुभाष एकनाथ चौधरी आणि कार्यकारी अध्यक्ष कमलेश चौधरी यांनीही कार्यक्रमास उपस्थित राहून मार्गदर्शन केले.

ज्येष्ठ नागरिकांचे आरोग्य सुदृढ राहावे, त्यांना योग व व्यायामाची सवय लागावी, मानसिक आरोग्याबाबत जागरूकता निर्माण व्हावी तसेच योग्य आहार व जीवनशैलीचा अवलंब करता यावा, या उद्देशाने आयोजित करण्यात आलेल्या या शिबिराला ज्येष्ठ नागरिकांचा उत्स्फूर्त प्रतिसाद मिळाला.