IND vs ENG 1st T20 : भारत आणि इंग्लंड यांच्यातील ५ सामन्यांच्या टी-२० मालिकेतील पहिला टी-२० सामना अनिर्णित राहिला. पावसामुळे इंग्लंडच्या डावाला सुरुवात होऊ शकली नाही आणि शेवटी सामना रद्द करावा लागला.
हा सामना चेस्टर-ले-स्ट्रीट येथील रिव्हरसाइड मैदानावर खेळवला जात होता.
भारताने या सामन्यात नाणेफेक जिंकून पहिल्यांदा फलंदाजी करण्याचा निर्णय घेतला होता. भारताने अभिषेक शर्मा आणि कर्णधार श्रेयस अय्यर यांच्या अर्धशतकांच्या जोरावर २० षटकांमध्ये ७ गडी गमावून १८९ धावा केल्या.
Wimbledon 2026 : सेरेना विल्यम्सचे अपयशी पुनरागमन, पहिल्याच फेरीत आव्हान संपुष्टात….
भारताचा डाव संपत आला असतानाच पाऊस सुरू झाला होता, पण इंग्लंडच्या डावाला सुरुवात होण्यापूर्वीच पाऊस अधिक वेगाने वाढला, ज्यामुळे सामना पुन्हा सुरू होऊ शकला नाही आणि सामन्याचा कोणताही निकाल लागू शकला नाही. दोन्ही संघांमधील दुसरी टी-२० लढत ४ जुलै रोजी मँचेस्टर येथे खेळवली जाईल.
भारताचा डाव….
भारताची सुरुवात चांगली झाली नव्हती आणि संघाने अवघ्या सहा धावांच्या आत संजू सॅमसन (१) आणि इशान किशन (०) यांचे विकेट्स गमावले होते. यानंतर अभिषेक आणि श्रेयसने डाव सांभाळला. भारतासाठी श्रेयसने ४७ चेंडूंमध्ये सहा चौकार आणि एका षटकाराच्या मदतीने ६८ धावा केल्या. तर अभिषेकने २४ चेंडूंमध्ये सहा चौकार आणि चार षटकारांच्या मदतीने ५९ धावांची खेळी केली. या दोघांशिवाय शिवम दुबे २१ चेंडूंमध्ये दोन चौकार आणि तीन षटकारांच्या मदतीने ४२ धावा करून नाबाद राहिला. तिलक वर्मा १३ आणि अक्षर पटेल तीन धावा करून बाद झाले. इंग्लंडकडून साकिब महमूदने सर्वाधिक तीन बळी घेतले, तर आदिल रशीद आणि सॅम करन यांना प्रत्येकी एक-एक बळी मिळाला.