अतुल यांनी कॅप्शनमध्ये लिहिले की, "अहो नाना साहेब...!!! तुम्ही मला माझे फिटनेस गोल्स पुन्हा एकदा तपासायला भाग पाडले आहे. नाना पाटेकर ७६ वर्षांचे आहेत आणि त्यांनी १५ डिप्स मारले (मी रेकॉर्डिंग उशिरा सुरू केले होते). कधीकधी मला आळस येतो, पण नाना साहेबांकडे पाहून पुन्हा जोमाने कामाला लागावेसे वाटते. काय अद्भूत व्यक्तिमत्व आहे!"

हा व्हिडीओ पाहून यावर सोशल मीडियावर काही रंजक चर्चाही पाहायला मिळाल्या. एका युजरने कमेंट केली की, "शुद्ध शाकाहारी असूनही ते इतके फिट आहेत." यावर अतुल कसबेकर यांनी उत्तर दिले की, "मला तुम्हाला सांगायला दुःख होत आहे की ते शाकाहारी नाहीत. मी त्यांच्या घरी आताच दुपारचे जेवण केले आहे." एका चाहत्याने सांगितले की, "नानांना स्वतः स्वयंपाक करायला आणि मासे खायला खूप आवडते. ते खरोखरच 'लेजेंड' आहेत." ७६ व्या वर्षी नानांचं व्यायामाबद्दलचं हे प्रेम पाहून अनेकांनी त्यांचं कौतुक केलंय.