'The Unplug Project' च्या माध्यमातून होणाऱ्या या उपक्रमाची सुरुवात सकाळी ६ वाजता होणार आहे. हा केवळ रनिंग इव्हेंट नसून धावणे, निसर्गभ्रमंती, ध्यान, लाइव्ह म्युझिक, डीजे, डान्स, कॉफी आणि उत्तम खाद्यसंस्कृती यांचा अनुभव देणारी सकाळची खास जर्नी असणार आहे.

निसर्गरम्य परिसरात Scenic Run आणि Nature Walk सोबत ध्यान, लाइव्ह म्युझिक आणि फ्री-फ्लो डान्सचा आनंद सहभागींना घेता येणार आहे. 'Not just a run. Not just a party.' या संकल्पनेतून साकारण्यात आलेल्या या उपक्रमाचा उद्देश शरीरासोबत मनालाही ताजेतवाने करणे हा आहे. 'Move, Breathe, Dance, Belong' या भावनेतून जळगावकरांना एकत्र आणण्याचा प्रयत्न आयोजकांनी केला आहे.

अहमदाबादचे पारस दलाल सादरीकरण करणार - या उपक्रमाचे आणखी एक आकर्षण म्हणजे अहमदाबाद येथील नामवंत आर्टिस्ट पारस दलाल यांची विशेष उपस्थिती असेल. त्यांच्या सादरीकरणामुळे सकाळच्या या अनुभवाला संगीत आणि मनोरंजनाची वेगळी रंगत मिळणार आहे. २७ सप्टेंबरची सकाळ जळगावकरांसाठी 'Run पासून Relaxation पर्यंत' आणि 'Music पासून Meditation पर्यंत' चा नवा अनुभव घेऊन येणार आहे.

१७ सप्टेंबरपर्यंत Early Bird नोंदणी - उपक्रमासाठी Early Bird तिकीट २,४०० रुपये, Regular तिकीट २,६०० रुपये आहे. पाच जणांच्या ग्रुपसाठी प्रति व्यक्ती २,४५० रुपये, तर दहा जणांच्या ग्रुपसाठी प्रति व्यक्ती २,३८० रुपये शुल्क आहे. Early Bird नोंदणीची अंतिम तारीख १७ सप्टेंबर आहे. अधिक माहिती व बुकिंगसाठी अंबिका - ९८२९१५५५७२, जयंतिका - ९८५००८७००२ आणि सनम - ९५५२९२२३३३ यांच्याशी संपर्क साधता येईल.