त्यांचा बीपीही काही प्रमाणात कमी झाला. त्यामुळे त्यांचे वडील भगवान दिपके यांनी तातडीने डॉक्टरांना घरी बोलावले.

डॉक्टरांच्या माहितीनुसार, सकाळपासून त्यांना मळमळ आणि उलटीसारखे जाणवत होते. त्यांना दोन-तीन उलट्या झाल्या असून, लूज मोशनचाही त्रास झाला. बीपी थोडा लो होता. त्यामुळे त्यांना आयव्ही देण्यात आला असून, पाच-सहा वाजेपर्यंत आराम करण्याचा सल्ला देण्यात आला आहे.

आरामानंतरही प्रकृतीत सुधारणा झाली नाही, तर रक्त तपासणी केली जाणार आहे. दिल्लीचा रिपोर्ट पॉझिटिव्ह आल्यानंतर नंतर निगेटिव्ह रिपोर्ट देण्यात आला होता. त्यामुळे डॉक्टर पुन्हा टेस्ट करण्याचा विचार करत आहेत. सध्या त्यांना रुग्णालयात दाखल करण्याची शक्यता कमी असून त्यांच्यावर घरीच उपचार होत असल्याचे डॉक्टरांनी कळवले आहे.