Dainik Maval News : पुणे जिल्हा परिषदेच्या विविध चार विषय समित्यांच्या सभापतीपदाची निवड अखेर पार पडली आहे. यामध्ये मावळ, राजगड ( वेल्हे ), हवेली आणि इंदापूर या तालुक्यांतील सदस्यांना सभापती पदाचा मान मिळाला आहे, तर ऐनवेळी बारामतीसह खेड, जुन्नर आणि शिरूर तालुक्यांचा पत्ता कट झाला आहे.

मावळ तालुक्यातील दीपाली हुलावळे, राजगड तालुक्यातील अमोल नलावडे, इंदापूर तालुक्यातील अंकिता पाटील आणि हवेली तालुक्यातील जितेंद्र बढेकर यांची विषय समिती सभापती पदी वर्णी लागली आहे.

पुणे जिल्हा परिषद अध्यक्ष वीरधवल जगदाळे यांच्या बंगल्यावर गुरुवारी (दि. २) सकाळी झालेल्या राष्ट्रवादी काँग्रेस सदस्यांच्या बैठकीत उपमुख्यमंत्री सुनेत्रा पवार यांनी पाठवलेले बंद पाकिट उघडून ही नावे जाहीर करण्यात आली. यावेळी उपाध्यक्ष विवेक वळसे-पाटील, गटनेते श्रीमंत ढोले यांच्यासह सर्व सदस्य उपस्थित होते. जाहीर झालेल्या नावांवर एकमताने शिक्कामोर्तब करण्यात आले.

यानंतर अंकिता पाटील यांची महिला व बालकल्याण समिती सभापती निवड, जितेंद्र बढेकर यांची समाजकल्याण समिती सभापती पदी निवड, अमोल नलावडे यांची कृषी व पशुसंवर्धन समिती सभापती पदी निवड आणि दिपाली हुलावळे यांची बांधकाम व आरोग्य समिती सभापती पदी निवड झाली.

( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा :
– वडगाव मावळ येथे ३९.३३ कोटींच्या पाणीपुरवठा योजनेचा शुभारंभ ; आमदार सुनील शेळके यांच्या पुढाकारातून शहरवासीयांना दिलासा
– लोणावळ्यात एक रूपयासाठी तुफान राडा ! पेट्रोल पंपाच्या कार्यालयाची तोडफोड आणि कर्मचाऱ्यांना मारहाण ; 7 जणांसह अज्ञातांवर गुन्हा दाखल
– शेतकरी मित्रांनो, तुमचे बँक खाते तपासा ! मुख्यमंत्री व दोन्ही उपमुख्यमंत्र्यांच्या हस्ते शेतकरी महासन्मान निधी योजनेच्या आठव्या हप्त्याचे वितरण