✍️ नजरकैद | ३० जून २०२५ :-
पुरुषांमध्ये वाढत्या वयात दिसणारा एक गंभीर आणि जीवघेणा आजार म्हणजे प्रोस्टेट कॅन्सर. या आजाराची सुरुवात हळूहळू होते, मात्र त्याचे परिणाम गंभीर असतात. विशेषतः वयाची ५० पार केलेल्या पुरुषांमध्ये त्याचे प्रमाण अधिक दिसून येते.आरंभिक टप्प्यात लक्षात न घेतल्यास हा कर्करोग संपूर्ण शरीरात पसरू शकतो.
म्हणूनच त्याची सुरुवातीची ५ लक्षणे वेळेत ओळखणे अत्यावश्यक आहे.आज आपण प्रोस्टेट कॅन्सरची नेमकी लक्षणं कोणती याबाबत माहिती जाणून घेणार आहोत.
प्रोस्टेट कॅन्सरची सुरुवातीची 5 महत्त्वाची लक्षणे:
1. वारंवार आणि त्रासदायक लघवी - विशेषतः रात्रीच्या वेळेस लघवीसाठी वारंवार उठावं लागतं, लघवी करताना जळजळ किंवा थेंबथेंब लघवी होणे.
2. मूत्र किंवा वीर्यात रक्त येणे - ही एक गंभीर चेतावणी आहे.
3. कंबरेत, पाठीत किंवा मांड्यांत वेदना - ही लक्षणं ट्युमर वाढण्याचं लक्षण असू शकतात.
4.शारीरिक कमजोरी व लैंगिक क्षमतेत घट - थकवा जाणवतो, लैंगिक इच्छा कमी होते.
5. लघवीची धार मंदावणे किंवा पूर्णपणे बंद होणे - हे लक्षण लक्षणीय असते.
-
काय काळजी घ्यावी? - वैद्यकीय सल्ला
दरवर्षी वैद्यकीय तपासणी करा - विशेषतः ५० वर्षांनंतर PSA (Prostate Specific Antigen) चाचणी अनिवार्य आहे.डिजिटल रेक्टल एक्झॅमिनेशन (DRE) - डॉक्टरांकडून ही तपासणी वेळोवेळी करून घ्या.आरोग्यदायी जीवनशैली अवलंबा - नियमित व्यायाम, योग्य आहार, धूम्रपान आणि मद्यपान टाळा.लक्षणं लक्षात घेतल्यास विलंब न करता डॉक्टरांचा सल्ला घ्या.
-विशेष वैद्यकीय मार्गदर्शन:
"प्रोस्टेट कॅन्सर ही लवकर ओळखली गेल्यास पूर्णपणे बरी होण्याची शक्यता असते. त्यामुळे लाज न बाळगता, कोणतीही लक्षणं दिसल्यास त्वरित युरोलॉजिस्ट किंवा कॅन्सर तज्ज्ञांचा सल्ला घ्या,"
प्रोस्टेट कॅन्सर हा एक 'शांत घातक शत्रू' आहे. त्याला वेळेत ओळखणं हीच आयुष्याची सर्वात मोठी बचावाची पायरी आहे. प्रत्येक पुरुषाने आरोग्याविषयी सजग राहणे गरजेचे आहे.

