Bribe News : ठाणे जिल्ह्यात जमिनीच्या नोंदींमध्ये बदल करण्यासाठी एका व्यक्तीकडून २० हजार रुपयांची लाच स्वीकारल्याच्या (Bribe News) आरोपाखाली लाचलुचपत प्रतिबंधक विभागाने एका महसूल अधिकाऱ्याला अटक केली आहे.

एसीबीच्या ठाणे युनिटने शुक्रवारी आरोपी ईश्वर बद्रीनाथ जाधव (५६) याला लाच स्वीकारताना (Bribe News) रंगेहाथ पकडले. जाधव हा अंबरनाथ तालुक्यातील द्वारली, आदिवली आणि धोकली या गावांसाठी महसूल अधिकारी म्हणून कार्यरत होता.

एसीबी माहितीनुसार, तक्रारदाराच्या वडिलांच्या मृत्यूनंतर जमिनीच्या नोंदींमधील वारसदार-संबंधित नोंदींमध्ये दुरुस्ती करण्याच्या उद्देशाने तक्रारदाराने महसूल विभागाशी संपर्क साधला होता.

तक्रारदाराला वारसदार म्हणून यापूर्वी करण्यात आलेल्या नोंदी रद्द करून जमिनीच्या नोंदींमध्ये आपल्या सावत्र बहिणीचाही कायदेशीर वारसदार म्हणून समावेश करण्यासाठी नवीन नोंदी करायच्या होत्या.

हे काम पूर्ण करण्यासाठी जाधवने कथितरित्या २० हजार रुपयांची मागणी (Bribe News) केली होती. यामध्ये १० हजार रुपये स्वतःसाठी आणि १० हजार रुपये संबंधित मंडळ अधिकाऱ्यासाठी असल्याचे त्याने सांगितले होते. तक्रारदाराने एसीबीच्या ठाणे युनिटशी संपर्क साधला आणि याप्रकरणी तक्रार दाखल केली. महसूल अधिकाऱ्याला भ्रष्टाचार प्रतिबंधक कायद्याअंतर्गत अटक करण्यात आली आहे.