या निर्णयामुळे हरियाणाच्या राजकीय वर्तुळात मोठी खळबळ उडाली आहे.

कारवाईचे आदेश कोणी दिले?

हरियाणा प्रदेश काँग्रेस (Congress News) कमिटीचे अध्यक्ष राव नरेंद्र सिंह यांनी या कारवाईचे आदेश जारी केले. त्यांनी स्पष्ट केले की, पक्षातील संघटनात्मक शिस्तीच्या उल्लंघनाची गंभीरता लक्षात घेऊन हा निर्णय घेण्यात आला आहे.

राव नरेंद्र सिंह यांनी सांगितले की, "या पाच आमदारांना पक्षातील प्राथमिक सदस्य पदापासून तात्काळ निलंबित करण्यात आले आहे. ही कारवाई हरियाणा प्रदेश कमिटीच्या सूचनेनुसार आणि काँग्रेसचे राष्ट्रीय अध्यक्ष मल्लिकार्जुन खरगे यांची परवानगी घेतल्यानंतर करण्यात आली आहे."

कोणत्या आमदारांवर कारवाई?
शैली चौधरी - नारायणगढ विधानसभा मतदारसंघ
रेणु बाला - सढौरा विधानसभा मतदारसंघ
मोहम्मद इलियास - पुनहाना विधानसभा मतदारसंघ
मोहम्मद इस्त्रायल (इसराइल) - हथीन विधानसभा मतदारसंघ
जनरैल सिंह (जर्नैल सिंह) - रतिया विधानसभा मतदारसंघ

या सर्व आमदारांवर पक्षाच्या अधिकृत उमेदवाराऐवजी बीजेपी-समर्थित स्वतंत्र उमेदवार सतीश नंदल यांना मत देऊन क्रॉस व्होटिंग केल्याचा आरोप आहे. १६ मार्च २०२६ रोजी झालेल्या राज्यसभा निवडणुकीत ही घटना घडली होती.

काँग्रेसने (Congress News) राज्यसभा निवडणुकीत आपला अधिकृत उमेदवार करमवीर सिंह बौध यांना विजय मिळवला होता, मात्र तो फारच कमी मतांनी. या निवडणुकीत पाच काँग्रेस आमदारांनी पक्षाच्या विरोधात मतदान केल्याने पक्षाला मोठा धक्का बसला होता. पक्षाने प्रथम या आमदारांना शो-कॉज नोटीस दिल्या होत्या. त्यानंतर अनुशासन समितीने दिलेल्या अहवालानुसार ही कडक कारवाई करण्यात आली.

राव नरेंद्र सिंह यांनी म्हटले की, "पक्षाच्या पातळीवरून ही कडक कारवाई करून पक्षात शिस्त राखण्याचा संदेश देण्यात आला आहे. पक्ष विरोधी क्रियाकलाप सहन केले जाणार नाहीत."

या निलंबनामुळे हरियाणा काँग्रेसमध्ये अंतर्गत हालचालींना वेग आला आहे. निलंबित आमदार आता पक्षाच्या कोणत्याही बैठकीत किंवा क्रियाकलापात भाग घेऊ शकणार नाहीत. भविष्यात त्यांच्यावर आणखी काय कारवाई होते, याकडे सर्वांचे लक्ष लागले आहे.

काँग्रेसने पक्षातील शिस्त राखण्यासाठी उचललेल्या या पावलामुळे हरियाणाच्या राजकारणात नव्या घडामोडी घडू शकतात. विशेषत: विधानसभा निवडणुकीच्या पार्श्वभूमीवर या घटनेचे मोठे पडसाद उमटण्याची शक्यता आहे. ही कारवाई काँग्रेस पक्षाने पक्षांतर्गत अनुशासन मजबूत करण्याच्या दिशेने केलेले महत्त्वाचे पाऊल मानले जात आहे.