आरिफ शेख ( १९) असे ठार झालेल्या तरुणाचे नाव आहे. याप्रकरणी टँकर चालक रवींद्र भीमराव दनाने ( ३४) याला पोलिसांनी ताब्यात घेतले आहे.

पोलिसांनी दिलेल्या माहितीनुसार, दुचाकीस्वार आरिफ शेख हा रविवारी संध्याकाळी पाच वाजण्याच्या सुमारास मोहम्मदवाडी परिसरातून दुचाकीवरून जात होता. त्यावेळी भरधाव टँकर चालक रवींद्र दनाने याने दुचाकीला धडक दिली.

अपघातात आरिफ गंभीर जखमी झाला. त्याला तत्काळ रुग्णालयात दाखल करण्यात आले. मात्र डॉक्टरांनी तपासणी करून त्यास मृत घोषित केले. याप्रकरणी टँकर चालकाला पोलिसांनी ताब्यात घेतले असून पुढील तपास काळेपडळ पोलीस करत आहेत.