खामगाव (ता.दौंड) येथील वैशाली नागवडे यांची महाराष्ट्र राज्य राष्ट्रवादी काँग्रेस पक्षाच्या महिला प्रदेशाध्यक्षपदी निवड झाली. मुंबई येथे नागवडे यांना सदर निवडीचे पत्र उपमुख्यमंत्री सुनेत्रा पवार यांनी दिले आहे.

यावेळी वैशाली नागवडे यांनी, “दादांचे विचार पुढे नेणे ही आपली जबाबदारी आहे. उपमुख्यमंत्री सुनेत्रा पवार व खासदार पार्थ पवार यांनी माझ्यावर मोठी जबाबदारी सोपवली आहे. या पदाच्या माध्यमातून पक्षाचे काम तळागाळापर्यंत पोहोचवणार आहे,” असा विश्वास व्यक्त केला.

कोण आहेत वैशाली नागवडे?

शेतकरी कुटुंबातील मुळच्या दौंड तालुक्यातील वैशाली नागवडे या अनेक वर्षांपासून राष्ट्रवादी काँग्रेसमध्ये सक्रिय आहेत. पुणे ग्रामीण भागात महिला संघटन उभारण्यात त्यांचे मोठे योगदान मानले जाते. त्या अजित पवार यांच्या विश्वासू सहकारी म्हणून ओळखल्या जातात.

महानंदा दूध महासंघाच्या अध्यक्षपदाची जबाबदारीही त्यांच्याकडे सोपवण्यात आली होती. स्थानिक स्वराज्य संस्था आणि पक्ष संघटनेत त्यांनी प्रभावी काम केल्यामुळे महिला आघाडीची धुरा त्यांच्याकडे देण्यात आल्याचे मानले जात आहे.

रुपाली चाकणकर यांना का द्यावा लागला?

रुपाली चाकणकर यांनी २७ मार्च २०२६ राष्ट्रवादी काँग्रेसच्या महिला प्रदेशाध्यक्षपदाचा राजीनामा दिला. भोंदूबाबा अशोक खरात प्रकरणाशी नाव जोडले गेल्यामुळे निर्माण झालेल्या राजकीय दबावामुळे त्यांनी राजीनामा दिला होता. याशिवाय त्यांनी २० मार्च २०२६ रोजी राज्य महिला आयोगाच्या अध्यक्षपदाचा देखील राजीनामा सोपवला होता.

TVK: तामिळनाडूत महिलांसाठी 'सुवर्ण' घोषणा ; विजय सरकारचा मोठा 'मास्टरस्ट्रोक'