विशेष म्हणजे, त्याला ऑस्ट्रेलियाचा दिग्गज फिरकीपटू शेन वॉर्न सोबत एकाच संघात खेळवण्याची योजना आखण्यात आली होती. (Big Bash League)

मेलबर्न स्टार्सचे माजी अध्यक्ष एडी मॅग्वायर यांनी हा खुलासा केला. २०१३ मध्ये आंतरराष्ट्रीय क्रिकेटमधून निवृत्ती घेतल्यानंतर सचिनला एका सामन्यासाठी बिग बॅशमध्ये खेळवण्याचा प्रयत्न करण्यात आला होता. त्या वेळी संघातील अनेक खेळाडू राष्ट्रीय कर्तव्यासाठी उपलब्ध नसल्याने मॅकग्वायर यांनी "एक आंतरराष्ट्रीय सुपरस्टार आणण्याची" कल्पना मांडली होती. (Big Bash League)

मॅकग्वायर यांच्या मते, "जर सचिन तेंडुलकरला आणण्यात यश आले असते, तर मैदान पाचपट जास्त भरले असते." त्यांनी सचिन आणि शेन वॉर्न यांची जोडी एका बिग बॅश अंतिम सामन्यात उतरवण्याचा विचार मांडला होता. "वॉर्न गोलंदाज आणि सचिन फलंदाज म्हणून खेळले असते, तर तो ऑस्ट्रेलियन क्रिकेट इतिहासातील सर्वात मोठा सामना ठरला असता," असेही त्यांनी सांगितले. (Big Bash League)

मात्र, त्या काळात भारतीय क्रिकेटपटूंना परदेशी टी-२० लीगमध्ये खेळण्यास परवानगी नसल्याने हा प्रस्ताव प्रत्यक्षात येऊ शकला नाही. त्यामुळे क्रिकेट चाहत्यांना सचिन-वॉर्न जोडी एकाच फ्रँचायझीसाठी खेळताना पाहण्याची संधी हुकली. (Big Bash League)

विशेष म्हणजे, सचिन तेंडुलकर आणि शेन वॉर्न नंतर २०१५ मध्ये अमेरिकेत झालेल्या 'क्रिकेट ऑल-स्टार्स' स्पर्धेत एकमेकांविरुद्ध कर्णधार म्हणून दिसले होते. मात्र बिग बॅशमधील ही संभाव्य भागिदारी आजही क्रिकेटमधील सर्वात रोमांचक अपूर्ण स्वप्नांपैकी एक मानली जाते. (Big Bash League)